Seda Sayandan iddialı açıqlama: "Qadınların tələsidir"

Türkiyəli müğənni və aparıcı Seda Sayan qatıldığı proqramda "Mətbəxdəki kişi daha cazibədardır" fikri ilə bağlı səsləndirdiyi açıqlama ilə diqqət çəkib.

Sonxeber.az xarici mediaya istinadla xəbər verir ki, sənətçi bu fikirlə razılaşmadığını bildirərək, bunun qadınların kişilərə yemək hazırlatmaq üçün düşündüyü "şirin bir taktika" olduğunu deyib. Onun sözlərinə görə, "Mən bu düşüncə ilə qətiyyən razı deyiləm. Buna inanmayın. Bu, qadınların kişilərə qurduğu bir tələdən başqa bir şey deyil. Sonra da 'Pomidoru necə də gözəl doğradın' deyərək onları həvəsləndiririk. Biz qadınların belə şirin oyunları olur."

Seda Sayanın bu açıqlaması qısa müddətdə sosial şəbəkələrdə geniş müzakirələrə səbəb olub. İstifadəçilərin bir qismi sənətçinin fikirlərini yumorla qarşılayıb, digərləri isə onun sözlərini mübahisəli hesab edib.

Proqram zamanı şəxsi həyatı ilə bağlı da danışan Sayan tək qalmağı sevmədiyini bildirib. O, gözəl bir məkana gedərkən yanında mütləq dostlarından birinin olmasını istədiyini deyərək, "Tənhalıqdan heç xoşum gəlmir. Heç nə etməsəm də, gedib evlənərəm", - sözlərini işlədib.

Telegramda izləyin