Bu ölkədə çəngəllərdən istifadə etmirlər: səbəbi təəccübləndirəcək

Çin çəngəl və bıçaqlardan istifadə olunduğu qədim sivilizasiyalardan biridir. Arxeoloqlar Çinxay əyalətindəki Tsundji dayanacağı yerində 4000 il yaşı olan sümük çəngəllər tapıblar.

Lent.az xarici mediaya istinadən xəbər verir ki, çəngəllər təxminən 3000 il əvvəl sıradan çıxıb və yerini çubuqlara verib. XII-XIII əsrlərə qədər çubuqlar əsas süfrə ləvazimatına çevrilib. Səbəb - yeməyin hazırlanma üsuludur. Çində oduna qənaət etmək üçün yeməyi xırda tikələrə doğramağa başladılar. Belə tikələri götürmək üçün çubuqlar əlverişlidir, çəngəl və bıçağa isə sadəcə ehtiyac qalmır.

Süfrədəki çəngəl və bıçaq, müharibə, həmçinin zorakılıq rəmzi hesab olunurdu. Çinin ən nüfuzlu filosofu Konfutsi yemək zamanı sülh və harmoniyanı təbliğ edirdi - çubuqlar bu idealları tərənnüm edirdi, bıçaqlar isə yox.

İqtisadiyyat da öz rolunu oynadı. Taxta və bambuk çubuqlar metal ləvazimatlardan daha ucuz və əlçatan idi. Sənayesi Qərbdən fərqli inkişaf edən Çində bunun böyük əhəmiyyəti vardı.

Bu gün Çində çəngəlləri də görmək olar. Restoranlarda onları əcnəbilərə təqdim edirlər. Müasir kafe və restoranlardakı gənclər düyünü qaşıqla yeyə bilərlər. Lakin ənənəvi ailə naharında yalnız çubuqlar və şorba qaşığı olur. Bu, mühafizəkarlıq deyil. Bu, minilliklər boyu formalaşmış və dəyişmək fikrində olmayan mədəniyyətdir.

Telegramda izləyin