Çempionlar Liqası: "Sabah" Finlandiyada "KuPS"a qarşı

Bu gün Azərbaycan təmsilçisi "Sabah" Çempionlar Liqasında 2-ci təsnifat mərhələsinin cavab oyununa çıxacaq.

Qaynarinfo xəbər verir ki, Valdas Dambrauskasın komandası Finlandiyada "KuPS"un qonağı olacaq. Görüş Bakı vaxtı ilə saat 19:00-da başlayacaq.

Bu komandalar arasında ilk oyun "Sabah"ın 1:0 hesablı qələbəsi ilə yekunlaşıb.

Qeyd edək ki, bu cütdə mərhələ adlayacaq tərəf Çempionlar Liqasının III təsnifat mərhələsində "Orhus" (Danimarka) - "Lex" (Polşa) cütünün qalibi ilə qarşılaşacaq.

Uduzan tərəf isə UEFA Avropa Liqasının III təsnifat mərhələsində "Levski" (Sofiya, Bolqarıstan) - "Universitatya" (Krayova, Rumıniya) duelinin məğlubu ilə üz-üzə gələcək.

Çempionlar Liqası
II təsnifat mərhələsi
Cavab oyunu

28 iyul
19.00 KuPS (Finlandiya) - Sabah (Azərbaycan)
Baş hakim: Qal Leybovitz, Roy Hassan, Yossi Babayoff, Dekel Zino (İsrail).
VAR: Daniel Bar Natan (İsrail).
AVAR: Eitan Şumelevitz (İsrail).
Kuopio. Mərkəzi Stadion.

Telegramda izləyin