Parisdə üç qadını bıçaqlayan şəxsdən şok ifadə: "Bunu etməyimi Allah əmr etdi"

Fransanın paytaxtı Parisdə baş verən bıçaqlı hücum ölkədə ciddi narahatlıq yaradıb. Hadisə nəticəsində üç qadın müxtəlif dərəcəli bədən xəsarətləri alıb.

Sonxeber.az türk mediasına istinadən xəbər verir ki, məlumata görə, hücum edən şəxs hadisə yerində olan vətəndaşların müdaxiləsi nəticəsində zərərsizləşdirilərək polisə təhvil verilib.

Şübhəli saxlanılarkən "Bunu etməyimi Allah əmr etdi" dediyi bildirilir. Bu ifadə istintaqın diqqət mərkəzində olan məqamlardan biri kimi qiymətləndirilir.

Yaralanan qadınlara tibbi yardım göstərilib. Onların vəziyyəti ilə bağlı rəsmi açıqlama verilməyib.

Fransa hüquq-mühafizə orqanları hadisənin motivlərini araşdırır. İstintaq çərçivəsində hücumun psixoloji, ideoloji və ya digər səbəblərlə bağlı olub-olmadığı müəyyənləşdirilir.

Telegramda izləyin