Film səhnələrini xatırladan hadisə: Pul dolu çuval yola düşdü - VİDEO

Türkiyənin İzmir şəhərinin Ayrancılar bölgəsində qeyri-adi hadisə baş verib. Çuvallarla pul daşıyan şəxslərdən birinin daşıdığı pul dolu çuval hərəkətdə olarkən yola düşüb və içərisindəki minlərlə lirə yolun ortasına səpələnib.

Sonxeber.az türk mediasına istinadən xəbər verir ki, güclü küləyin təsiri ilə ətrafa yayılan əskinasları toplamaq üçün şəxslər sıx avtomobil hərəkətinə baxmayaraq böyük təşviş içində yola çıxıblar. Hadisə ərazidən keçən vətəndaşın mobil telefon kamerası ilə qeydə alınıb və görüntülər qısa müddətdə sosial şəbəkələrdə geniş yayılıb.

İlkin məlumata görə, hadisə nəticəsində nə qədər pulun itirildiyi hələlik məlum deyil. Hadisə ilə bağlı rəsmi açıqlama verilməyib.

Telegramda izləyin