Fransadakı meşə yanğınları: Corc Kluninin evi təxliyə edildi

Fransanın cənub-şərqində davam edən genişmiqyaslı meşə yanğınları səbəbindən təhlükəsizlik tədbirləri gücləndirilib. Yanğının yayılma riskinə görə amerikalı məşhur aktyor Corc Kluninin Fransadakı evi də təxliyə olunub.

Sonxeber.az xarici mediaya istinadla xəbər verir ki, Var departamentində baş verən yanğınlar güclü küləyin təsiri ilə qısa müddətdə geniş əraziyə yayılıb. Alovun yaşayış məntəqələrinə yaxınlaşması səbəbindən yüzlərlə sakinlə yanaşı, bölgədə yerləşən villaların sahibləri də evlərini tərk etmək məcburiyyətində qalıblar.

Təxliyə edilən evlər arasında Corc Kluniyə məxsus mülkün də olduğu bildirilir. Hazırda aktyorun və ailəsinin təhlükəsiz yerdə olduğu, evə hər hansı ziyanın dəyib-dəymədiyi barədə isə rəsmi məlumat verilməyib.
Yanğınların söndürülməsi üçün yüzlərlə yanğınsöndürən və çoxsaylı texnika cəlb edilib. Səlahiyyətlilər əhalini ehtiyatlı olmağa və təhlükəli ərazilərdən uzaq durmağa çağırır.

Telegramda izləyin