The Washington Post: "ABŞ-da məktəblərdə süni intellektdən istifadə genişlənir"

The Washington Post yazır ki, ABŞ-da yeni tədris ili ərəfəsində məktəblər və universitetlər süni intellekt alətlərinin dərs prosesində istifadəsini daha geniş şəkildə tətbiq etməyə başlayıb.

Məqalədə qeyd olunur ki, müəllimlər artıq süni intellektdən dərs planlarının hazırlanması, testlərin tərtibi və şagirdlərin fərdi ehtiyaclarına uyğun materialların hazırlanması üçün istifadə edirlər.

Sonxeber.az The Washington Post-a istinadən xəbər verir ki, bununla yanaşı, bəzi təhsil ekspertləri bu texnologiyanın şagirdlərin müstəqil düşünmə və yazı bacarıqlarına mənfi təsir göstərə biləcəyindən narahatdır.

Bir sıra ştatlarda isə məktəblər üçün süni intellektdən istifadəyə dair yeni qaydalar hazırlanır. Məqsəd texnologiyanın üstünlüklərindən faydalanmaqla yanaşı, plagiatın və akademik saxtakarlığın qarşısını almaqdır.

Telegramda izləyin