Euronews: "Şimali Koreya Yaponiyanı hərbiləşməsinə görə hədələdi"

Şimali Koreya Yaponiyanın müdafiə qabiliyyətini gücləndirməsi və hərbi büdcəsini artırması fonunda sərt bəyanat yayıb. Pxenyan bildirib ki, Tokio bu siyasəti davam etdirərsə, buna qarşı "hərbi variantlar" da daxil olmaqla müxtəlif tədbirlər nəzərdən keçiriləcək.

Sonxeber.az Euronews-a istinadən xəbər verir ki, Yaponiya isə son illərdə artan regional təhlükəsizlik risklərini əsas gətirərək müdafiə xərclərini artırdığını və ABŞ ilə hərbi əməkdaşlığı genişləndirdiyini vurğulayır. Rəsmi Tokio bu addımların yalnız müdafiə xarakteri daşıdığını bildirir.

Analitiklər hesab edirlər ki, Şimali Koreyanın son açıqlaması Şərqi Asiyada təhlükəsizlik vəziyyətini daha da gərginləşdirə və region ölkələri arasında qarşıdurma riskini artıra bilər.

Telegramda izləyin