"Müharibənin indiki mərhələsində hava hücumundan müdafiə sistemləri Ukraynanın ən vacib ehtiyaclarından biridir" - BƏHRUZ QULİYEV
"Ukrayna Prezidenti Volodimir Zelenskinin Qərb ölkələrinin ballistik raketlər və hava hücumundan müdafiə sistemlərinin tədarükündə gecikmələrin yaşandığı barədə açıqlaması müharibənin yeni mərhələsinin nə qədər həssas olduğunu göstərir. Bu bəyanat təkcə hərbi çatışmazlıqdan deyil, həm də Qərbin Ukraynaya dəstəyinin davamlılığı ilə bağlı yaranan suallardan xəbər verir.
Müharibənin indiki mərhələsində hava hücumundan müdafiə sistemləri Ukraynanın ən vacib ehtiyaclarından biridir. Rusiya son aylarda ballistik və qanadlı raketlərdən, eləcə də pilotsuz uçuş aparatlarından daha intensiv istifadə edir. Belə bir şəraitdə hava hücumundan müdafiə vasitələrinin vaxtında çatdırılmaması Ukraynanın enerji infrastrukturu, hərbi obyektləri və mülki yaşayış məntəqələri üçün ciddi risklər yaradır." Bu fikirləri Səs qəzetinin baş redaktoru, siyasi ekspert Bəhruz Quliyev Sonxeber.az-a açıqlamasında deyib.
Ekspert qeyd edib ki, digər tərəfdən, bu açıqlama Qərb daxilində də müəyyən fikir ayrılıqlarının və resurs məhdudiyyətlərinin mövcudluğunu göstərir. ABŞ və Avropa dövlətləri Ukraynaya dəstəyi davam etdirsələr də, silah istehsalının tempi, ehtiyatların azalması və siyasi qərarların qəbulunda yaranan gecikmələr Kiyevin döyüş meydanındakı imkanlarına birbaşa təsir edir. Zelenski də məhz bu məqamı diqqətə çatdıraraq müttəfiqlərinə daha operativ davranmaq çağırışı edir.
Bu vəziyyətdən ən çox faydalanmağa çalışan tərəf isə Rusiyadır. Moskva Qərbdə yaranan hər bir tərəddüdü və ya gecikməni öz hərbi strategiyasının üstünlüyünə çevirməyə çalışır. Əgər Ukraynanın hava hücumundan müdafiə imkanlarında boşluqlar yaranarsa, Rusiya raket və dron hücumlarını daha da intensivləşdirə bilər.
"Bütün bunlar onu göstərir ki, Ukrayna müharibəsinin taleyi təkcə cəbhə xəttində deyil, həm də Qərbin siyasi iradəsi, hərbi sənaye potensialı və qəbul etdiyi qərarların operativ icrasında müəyyən olunur. Əgər silah tədarükündəki gecikmələr davam edərsə, yaxın aylarda Ukraynanın hava məkanının müdafiəsi daha mürəkkəb vəziyyətlə üzləşə bilər. Bu isə münaqişənin gedişinə və gələcək danışıqların şərtlərinə təsir göstərə biləcək mühüm amillərdən biri olacaq." - deyə, B.Quliyev əlavə edib.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Sabaha leysan gözlənilir - XƏBƏRDARLIQ
Qətlə yetirilən Gülarənin atası danışdı - "Ayxan 2 ay idi gecələr yatmırdı"
Qadın qətllərinə qarşı ən sərt cəzalar: Azərbaycan İstanbul Konvensiyasına qoşula bilərmi? - VƏKİLDƏN AÇIQLAMA
Kiberdələduzluqda bir başqa yol...
Xarici vətəndaşlıq hərbi xidmətdən azad etmir - VACİB AÇIQLAMA
Elton qızına toy edir
Vətəndaşlara aşağı faizli kredit imkanı: Hansı şərtlər tələb olunur?
Prezident İlham Əliyev Vyetnama rəsmi səfərə gedib - Foto/Video
Kupçasız ev alanlar pullarını və əmlakı itirə bilər? - EKSPERTDƏN XƏBƏRDARLIQ
Nikahdan əvvəl alınan ev boşanma zamanı bölünə bilərmi? - Qanun nə deyir? - ƏMLAK EKSPERTİNDƏN AÇIQLAMA
Sənət adamlarından Könül Xasıyevanı pubda oxumasına reaksiya: "Mənim yaşıma uyğun deyil"
Vəkil Orxan Kəngərli həbs edildi
Azərbaycan-Vyetnam münasibətlərində yeni mərhələ: Əməkdaşlıq hansı istiqamətlərdə genişlənəcək?
Yaşıl çay alarkən bunlara diqqət edin - Keyfiyyətsiz məhsulu necə tanımaq olar? - QİDA EKSPERTİNDƏN AÇIQLAMA
Reuters: "Tayvan Çini seçkilərə müdaxilə etmək üçün minlərlə sosial media hesabından istifadə etməkdə ittiham edir"