Bloomberg: "ABŞ və Çin arasında tarif danışıqlarının yeni mərhələsi başlayır"

ABŞ və Çin arasında ticarət münasibətlərinin normallaşdırılması istiqamətində növbəti yüksək səviyyəli danışıqlara hazırlıq gedir. Tərəflərin bu gün tariflərin azaldılması və ixrac məhdudiyyətlərinin yumşaldılması məsələlərini müzakirə etdiyi bildirilir.

Bloomberg-in məlumatına görə, danışıqların əsas məqsədi son illərdə tətbiq olunan qarşılıqlı rüsumların iqtisadiyyata təsirini azaltmaq və iki ölkə arasında ticarət əlaqələrini sabitləşdirməkdir. Müzakirələrdə yüksək texnologiyalar, sənaye məhsulları və kritik xammal tədarükü də gündəmdədir.

Sonxeber.az Bloomberg-ə istinadən xəbər verir ki, mənbənin yazdığına görə, investorlar danışıqların nəticələrini diqqətlə izləyirlər. Müsbət razılaşmanın əldə olunacağı təqdirdə qlobal bazarlarda risk iştahının artacağı, ticarət gərginliyinin isə qismən azalacağı gözlənilir.

Qeyd edək ki, ABŞ və Çin arasında ticarət münasibətləri son illərdə tariflər və texnologiya sahəsində tətbiq olunan məhdudiyyətlər səbəbindən gərgin olaraq qalır. Tərəflər yeni danışıqlarla bu gərginliyi azaltmağa çalışırlar.

Telegramda izləyin