İsrail Livanın cənubunda Hizbullah terror təşkilatının hədəflərini bombaladı

İsrail ordusu Livanın cənubunda Hizbullah terror təşkilatına məxsus olduğunu bildirdiyi hərbi infrastruktur və silah anbarlarına qarşı yeni hava zərbələri endirib. Hücumlar son günlər sərhəddə artan gərginlik fonunda həyata keçirilib.

Sonxeber.az ABC News-a istinadən xəbər verir ki, İsrail hərbçilərinin açıqlamasına görə, əməliyyat Hizbullahın fəaliyyət göstərdiyi mövqeləri və hərbi obyektləri hədəf alıb. İsrail tərəfi hücumların təhlükəsizlik təhdidlərinin qarşısını almaq məqsədi daşıdığını bildirib.

Livan mənbələri isə hava zərbələri nəticəsində yaşayış məntəqələrinin də zərər gördüyünü, ölən və yaralananların olduğunu açıqlayıb. Hücumlar İsrail və Livan nümayəndələri arasında ABŞ vasitəçiliyi ilə Romada aparılan danışıqların davam etdiyi vaxta təsadüf edib.

Qeyd edək ki, son hadisələr İsrail-Hizbullah arasında qüvvədə olan kövrək atəşkəsin gələcəyi ilə bağlı narahatlıqları artırıb. Danışıqlar davam etsə də, tərəflər əsas məsələlər üzrə hələlik razılığa gələ bilməyiblər.

Telegramda izləyin