"Beynəlxalq mövqelərimizin güclənməsində Prezident İlham Əliyevin diplomatik fəaliyyəti mühüm rol oynayır" - David Seliverstov

Azərbaycanın xarici siyasəti son illərdə milli maraqların qorunması, dövlət müstəqilliyinin möhkəmləndirilməsi və beynəlxalq mövqelərin gücləndirilməsi istiqamətində həyata keçirilir. Bu siyasətdə Prezident İlham Əliyevin diplomatik fəaliyyəti və siyasi iradəsi mühüm rol oynayır.

Azərbaycanın xarici siyasətinin əsas istiqamətlərindən biri milli maraqların müdafiəsidir. Azərbaycanın ərazi bütövlüyünün və suverenliyinin qorunması xarici siyasətin əsas prioritetlərindəndir. Regional sabitlik və sülh əsas dövlətimizin əsas hədəfidir. Azərbaycan hər zaman Cənubi Qafqazda uzunmüddətli sülhün və əməkdaşlığın formalaşmasında maraqlıdır.

Azərbaycanın xarici siyasətinin əsas istiqamətlərindən biri də çoxtərəfli diplomatiyadir. Yeni Azərbaycan müxtəlif beynəlxalq təşkilatlarla əməkdaşlıq edərək öz mövqelərini qlobal platformalarda ifadə edir.Türkiyə ilə strateji müttəfiqlik, Azərbaycan-Türkiyə münasibətlərinin xarici siyasətin ən mühüm istiqamətlərindən biridir.

Xüsusilə də enerji diplomatiyası: Azərbaycanın neft-qaz və yaşıl enerji layihələri ölkənin beynəlxalq iqtisadi və siyasi əhəmiyyətini artırır. Orta Dəhliz, Bakı-Tbilisi-Qars və digər layihələr isə Azərbaycanın regional tranzit imkanlarını daha da genişləndirir. Qarabağın və Şərqi Zəngəzurun bərpası isə həm daxili inkişaf, həm də beynəlxalq əməkdaşlıq baxımından mühüm istiqamətə çevrilib.

Prezident İlham Əliyevin diplomatik fəaliyyətinin əsas xüsusiyyətlərindən biri milli maraqları beynəlxalq münasibətlərdə ardıcıl şəkildə müdafiə etmək və müxtəlif güc mərkəzləri ilə balanslaşdırılmış münasibətlər qurmaqdır.
Onun diplomatik yanaşmasında siyasi dialoq, qarşılıqlı maraqların uzlaşdırılması, iqtisadi və enerji əməkdaşlığından xarici siyasət aləti kimi istifadə və Azərbaycanın beynəlxalq mövqeyinin gücləndirilməsi xüsusi yer tutur.
Xüsusilə Qarabağ məsələsində Azərbaycanın mövqeyinin beynəlxalq səviyyədə müdafiəsi, müxtəlif dövlətlərlə münasibətlərin inkişaf etdirilməsi və Azərbaycanın regional layihələrdə rolunun artırılması ölkənin diplomatik imkanlarını genişləndirib.

Azərbaycanın xarici siyasəti yalnız siyasi münasibətlərdən ibarət deyil. Enerji, nəqliyyat, iqtisadiyyat, təhlükəsizlik və humanitar əməkdaşlıq da bu siyasətin mühüm komponentləridir. Prezident İlham Əliyevin diplomatik fəaliyyəti isə bu istiqamətlərin əlaqələndirilməsi və Azərbaycanın milli maraqlarının beynəlxalq müstəvidə qorunması baxımından mühüm əhəmiyyət daşıyır.

David Seliverstov
"Magen David Azerbaijan" insan hüquqlarının müdafiəsi və xeyriyyəçilik cəmiyyətinin sədri

Telegramda izləyin