"Media və Yayım Şurasının kollegial idarəetmə modelinin əsas götürməsi də xüsusi əhəmiyyət daşıyır" - Bəhruz Quliyev

"Media və Yayım Şurasının kollegial idarəetmə modelinin əsas götürməsi də xüsusi əhəmiyyət daşıyır" - Bəhruz Quliyev"Media və Yayım Şurasının yaradılması Azərbaycan media məkanında yeni mərhələnin başlanğıcı kimi qiymətləndirilə bilər. Çünki burada söhbət yalnız iki qurumun - Medianın İnkişafı Agentliyi və Audiovizual Şuranın bir strukturda birləşdirilməsindən getmir. Əsas məsələ media və yayım sahəsində dövlət siyasətinin daha sistemli, çevik və vahid mexanizmlər əsasında həyata keçirilməsidir.

Bu gün media artıq yalnız informasiya ötürən vasitə deyil. Media həm də cəmiyyətin ictimai-siyasi düşüncəsinə təsir edən, milli maraqların və informasiya təhlükəsizliyinin qorunmasında mühüm rol oynayan strateji institutdur. Xüsusilə informasiya müharibələrinin genişləndiyi, rəqəmsal platformaların sürətlə inkişaf etdiyi bir dövrdə milli medianın güclü, peşəkar və iqtisadi baxımdan dayanıqlı olması dövlət üçün də, cəmiyyət üçün də vacib məsələdir."

Bu fikirləri Səs qəzetinin baş redaktoru, siyasi ekspert Bəhruz Quliyev deyib.

Ekspert qeyd edib ki, yeni Şuraya verilən səlahiyyətlər arasında media subyektlərinin iqtisadi müstəqilliyinin gücləndirilməsinin ayrıca qeyd olunması təsadüfi deyil. Çünki müasir medianın əsas problemlərindən biri məhz iqtisadi dayanıqlıq məsələsidir. İqtisadi cəhətdən zəif media qurumunun keyfiyyətli jurnalistika aparması, peşəkar kadrları qoruması, yeni texnologiyalara investisiya qoyması və rəqəmsal rəqabətdə mövqeyini saxlaması kifayət qədər çətindir.
Ona görə də dövlət-media münasibətlərində yeni mərhələnin əsas hədəflərindən biri medianın dövlət dəstəyindən asılılığını artırmaq yox, onun öz iqtisadi modelini qurmasına imkan verən sağlam media bazarının formalaşdırılması olmalıdır. Media layihələrinin müsabiqə əsasında dəstəklənməsi, audiovizual məhsulların istehsalına dövlət sifarişlərinin verilməsi, peşəkar kadrların hazırlanması bu baxımdan əhəmiyyətlidir.
Digər mühüm məsələ dövlət qurumları ilə media arasında qarşılıqlı etimadın gücləndirilməsidir. Jurnalist üçün informasiyaya çıxış nə qədər vacibdirsə, dövlət qurumları üçün də peşəkar, məsuliyyətli və obyektiv medianın mövcudluğu bir o qədər əhəmiyyətlidir. Bu münasibətlər qarşılıqlı hörmət və şəffaflıq prinsipləri üzərində qurulmalıdır".

"Düşünürəm ki, Media və Yayım Şurasının kollegial idarəetmə modelinin əsas götürməsi də xüsusi əhəmiyyət daşıyır. Çünki media sahəsində qərarların qəbulunda müxtəlif baxışların, peşəkar yanaşmaların və ictimai maraqların nəzərə alınması etimad mühitinin möhkəmlənməsinə xidmət edə bilər. Azərbaycan mediası son illərdə ciddi transformasiya mərhələsindən keçir. Ənənəvi qəzetçilik, televiziya və radio ilə yanaşı, internet mediası, sosial şəbəkələr, YouTube, podkastlar və digər rəqəmsal platformalar artıq informasiya məkanının ayrılmaz hissəsinə çevrilib. Deməli, media siyasəti də bu reallıqlara uyğunlaşmalıdır.

Hesab edirəm ki, Media və Yayım Şurasının qarşısında duran əsas vəzifələrdən biri məhz bu transformasiyanı düzgün idarə etmək, ənənəvi medianın potensialını qorumaqla yanaşı, yeni media platformalarının imkanlarından səmərəli istifadə etməkdir.

Azərbaycan mediasının qarşısında bu gün həm böyük imkanlar, həm də ciddi çağırışlar var. İmkan ondan ibarətdir ki, dövlət media sektorunun inkişafı üçün yeni mexanizmlər formalaşdırır. Çağırış isə odur ki, media bu imkanlardan istifadə edərək daha peşəkar, daha rəqabətli, daha məsuliyyətli və daha müstəqil olmalıdır.
Yeni Media və Yayım Şurasının fəaliyyətinin nəticəsini də məhz bu meyarlarla qiymətləndirmək lazımdır: Azərbaycan mediası nə qədər güclənəcək, media subyektlərinin iqtisadi dayanıqlığı nə qədər artacaq, jurnalistikanın peşəkarlığı hansı səviyyəyə yüksələcək və ən əsası, cəmiyyətin etimad etdiyi güclü milli informasiya məkanı nə dərəcədə formalaşacaq. Hesab edirəm ki, yeni qurum qarşısında çox ciddi və strateji vəzifələr dayanır. Bu mərhələdə əsas məqsəd yalnız medianı tənzimləmək deyil, Azərbaycan mediasının inkişafına şərait yaratmaq, onun iqtisadi və institusional imkanlarını genişləndirmək və qlobal informasiya rəqabətində milli medianın mövqelərini gücləndirmək olmalıdır."- deyə, B.Quliyev əlavə edib.


Sonxeber.az
Telegramda izləyin
Sosial   Baxılıb: 412   Tarix: 10 avqust 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

"Mahal MTK"da rüşvət və özbaşınalıq - Müştəriləri belə aldadırlar

Sumqayıt şəhərində fəaliyyət göstərən "Mahal MTK" tərəfindən tikilib sakinlərə təhvil verilməli olan mənzillərlə bağlı ciddi problemlər yaranıb. Tikinti şirkətinin qanunsuz tələbləri və vədlərinə əməl etməməsi vətəndaşların haqlı narazılığına səbəb olub. Məlumata görə, "Mahal MTK"

16 noyabr
.

Bakıda müşavirələr keçirildi - Qarlı havalara hazırlıq tədbirləri müzakirə olundu

Bakı şəhərinin bütün rayonlarında təsdiq edilmiş tədbirlər planlarına uyğun qış mövsümündə qarlı havalara hazırlıq tədbirləri davam edir. xəbər verir ki, ilk növbədə şəhər və rayon kommunal xidmətlərinin xüsusi təyinatlı texnikaları hazır vəziyyətə gətirilib, bir sıra yaşayış və qeyri yaşayış binalarınd

17 noyabr
.

Saatlıq əməkhaqqı sistemi tətbiq ediləcək

Azərbaycanda saatlıq əməkhaqqı sistemi tətbiq ediləcək. "Qafqazinfo" xəbər verir ki, bu, Milli Məclisin bu gün keçirilən iclasında müzakirə edilən Əmək Məcəlləsinə təklif edilən dəyişiklikdə əksini tapıb. Layihəyə əsasən, aşağıdakı hallardan biri olduqda saatlıq əməkhaqqı müəyyən ediləcək:

17 noyabr
.

"Boranı" restoranında tək yeyib-içmək olmaz? - Video

Sosial şəbəkələrdə "Boranı" restoranlar şəbəkəsi ilə bağlı şikayət yayılıb. xəbər verir ki, şikayətçinin iddiasına görə, restoranın "Neftçilər" metrosu yaxınlığında yerləşən filialına tək daxil olmaq istəyən müştəriyə icazə verilməyib. Ona bildirilib ki, yalnız 3-4 nəfərlə gəldikd

16 noyabr
.

Bakıda DƏHŞƏT: Avtobus gənc qızı vuraraq öldürdü

Bakıda səhər saatlarında ölümlə nəticələnən yol-nəqliyyat hadisəsi baş verib. -in "qaynar xətti"nə daxil olan məlumata görə, hadisə Koroğlu metrostansiyasının çıxışında qeydə alınıb. "Daewoo" markalı sərnişin avtobusu yolu keçən gənc qızı vurub. Zərbənin təsirindən ağır xəsarət ala

16 noyabr
.

Deputat Ağalar Vəliyevin oğluna məxsus "Kristal Bakı" vətəndaşları aldadır?

Ölkənin aparıcı tikinti şirkətlərindən biri olan "Kristal Bakı" ASC (VÖEN - 3103396091) satışa çıxardığı mənzilləri alıcılara fərqli qiymətlərlə təqdim edir. "Real Azərbaycan" xəbər verir ki, şirkətin rəsmi saytı - " vasitəsilə satışa çıxarılan mənzillərin aylıq ödəniş məbləğlər

16 noyabr
.

Dünyada ərzaq ucuzlaşır, Azərbaycanda isə bahalaşır - Səbəb nədir? - İQTİSADÇIDAN AÇIQLAMA

Dünya bazarında ərzaq məhsullarının qiymətində azalma müşahidə olunsa da, bu tendensiya Azərbaycanın daxili bazarında özünü eyni şəkildə göstərmir. FAO-nun oktyabr ayı üzrə göstəricilərinə əsasən, qlobal Ərzaq Qiymətləri İndeksi 1,2 faiz azalıb. Azərbaycanda isə əksinə, həmin ay ət və ət məhsulları

17 noyabr
.

637 balla universitetə qəbul olmuşdu: Yataqxanada ölən tələbə ilə bağlı yeni təfərrüat

Yataqxanada meyiti tapılan tələbə qızın ölümü ilə bağlı bəzi təfərrüat məlum olub. -a istinadən xəbər verir ki, 2007-ci il təvəllüdlü Elmira Eyyubova 2024-cü ildə 637 bal toplayaraq Azərbaycan Tibb Universitetinə qəbul olub. O, universitetin yataqxanasına bir müddət əvvəl köçübmüş. Elmira iki il Bakıd

16 noyabr
.

Novxanıda sərnişinlər avtobusda ekstrim yaşadı - Video

Paytaxtın Zabrat qəsəbəsi ilə Novxanı qəsəbələrini birləşdirən 537 saylı müntəzəm marşrut xəttində maraqlı anlar yaşanıb. "Qafqazinfo" xəbər verir ki, Novxanı qəsəbəsi istiqamətində əsas yolun bağlı olması səbəbindən nəqliyyat vasitələri çimərliklərin ərazisi ilə hərəkət etməli olub. Bu zama

16 noyabr