Abituriyentlər bununla bağlı apellyasiya müraciəti EDƏ BİLƏR - Deputat AÇIQLADI

Son dövrlərdə situasiya və açıq tipli tapşırıqların qiymətləndirilməsi ilə bağlı müzakirələr, xüsusilə insan amilinin qiymətləndirmədə subyektivliyə yol açması məsələsini gündəmə gətirir. DİM-in məlumatına görə, abituriyentlər açıq tipli tapşırıqlar üzrə tətbiq olunan qiymətləndirmə meyarları ilə tanış ola və nəticə ilə bağlı apellyasiya müraciəti edə bilirlər.

Bəs, qiymətləndirmədə subyektivliyin qarşısını almaq üçün hansı əlavə nəzarət mexanizmləri tətbiq olunmalıdır, mövcud apellyasiya sistemi abituriyentlərin hüquqlarını tam qoruyurmu və bu sahədə əlavə qanunvericilik və ya nəzarət tədbirlərinə ehtiyac varmı?
Məsələ ilə bağlı Sonxeber.az-a açıqlama verən Milli Məclisin deputatı Ceyhun Məmmədov qeyd edib ki, ümumiyyətlə, biz millət olaraq, təəssüf ki, adətən mövcud olanı dağıtmaq barədə daha çox düşünürük və dağıtdıqdan sonra yenisini qura bilmirik:

"Mən əvvəllər də qeyd etmişəm ki, Azərbaycanda hazırkı qiymətləndirmə sistemi ən yaxşı və ən uyğun sistemlərdən biridir. Bu sistemi qorumaq lazımdır. Ola bilər ki, müəyyən təkmilləşdirmə işləri aparılsın, amma ümumilikdə sistem saxlanılmalıdır. Qiymətləndirmə sisteminin ədalətli olması məsələsinə gəldikdə isə hesab edirəm ki, bunun üçün bütün addımlar atılır. Hətta bəzi hallarda süni intellektdən də istifadə olunur. Ümumilikdə qiymətləndirmə kifayət qədər obyektivdir və bu baxımdan hər hansı ciddi problemdən söhbət gedə bilməz".

Röyalə Xəyal

Telegramda izləyin