Mədəni irsimizə HÖRMƏTSİZLİK: Turizm imicinə mənfi təsir göstərə bilər
İçərişəhərin qala divarlarına bir qrup turist tərəfindən müxtəlif yazılar yazılaraq zərər verilib. Bu məsələ mədəni irsin qorunması məsələsini yenidən gündəmə gətirir. İçərişəhər UNESCO-nun Dünya İrsi siyahısına daxil olan, zəngin tarixi-memarlıq irsini özündə birləşdirən mühüm turizm məkanıdır. Belə halların qarşısının alınmaması həm abidələrin fiziki vəziyyətinə, həm də Azərbaycanın turizm imicinə mənfi təsir göstərə bilər.
Bəs, turistlərdə tarixi-mədəni irsə məsuliyyətli münasibətin formalaşdırılması üçün hansı maarifləndirici və nəzarət tədbirləri görülməli, abidələrin qorunması necə daha effektiv təmin edilməlidir?
Məsələ ilə bağlı Sonxeber.az-a açıqlama verən turizm eksperti Rəhman Quliyev bildirib ki, İçərişəhərin qala divarları kimi tarixi abidələrə yazılar yazılması təkcə mədəni irsə zərər vurmur, eyni zamanda Azərbaycanın turizm imicinə də mənfi təsir göstərə bilər.
"Çünki xarici turist ölkəni yalnız görməli yerləri ilə deyil, həmin ölkənin tarixi irsə münasibəti və qoruma mədəniyyəti ilə də qiymətləndirir.
Tarixi abidələrin üzərində müxtəlif yazıların olması həm abidənin estetik görünüşünü pozur, həm də gələcək nəsillərə ötürülməli olan tarixi yaddaşa hörmətsizlikdir. Bu baxımdan turistlər üçün tarixi-mədəni irsin qorunması ilə bağlı maarifləndirici məlumatların bir neçə dildə təqdim olunması vacibdir".
Ekspert bildirib ki, eyni zamanda, turizm bələdçiləri turistlərə səfər zamanı davranış qaydalarını izah etməli və abidələrə zərər vurmağın yolverilməz olduğunu xüsusi vurğulamalıdırlar:
"Tarixi məkanlarda müşahidə və təhlükəsizlik sistemlərinin gücləndirilməsi, eləcə də qanunvericilikdə nəzərdə tutulan məsuliyyət tədbirlərinin effektiv tətbiqi də mühüm əhəmiyyət daşıyır.
Mən hesab edirəmi ki, turistə yalnız "abidəyə toxunma" demək kifayət deyil, ona həmin abidənin tarixini və milli dəyərini anlatmaq lazımdır.
Çünki tarixi irsə hörmət formalaşdırmaq həm dövlət qurumlarının, həm turizm şirkətlərinin, həm də cəmiyyətin ortaq məsuliyyətidir və bu, Azərbaycanın beynəlxalq turizm imicinin qorunmasına birbaşa xidmət edir".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri