Naxçıvanın inkişafına yeni təkan verən səfər

Naxçıvanın inkişafına yeni təkan verən səfərProseslərin gedişi göstərir ki, Cənubi Qafqazın hərbi-siyasi, hüquqi və geoiqtisadi arxitekturası Azərbaycan Prezidenti, Müzəffər Ali Baş Komandan İlham Əliyevin rəhbərliyi ilə həyata keçirilən strateji dövlətçilik xətti nəticəsində köklü və dönməz transformasiya dövrünü yaşayır. Yeni dövlətçilik konsepsiyası, xüsusilə 44 günlük Vətən müharibəsində qazanılmış tarixi Zəfər və 2023-cü ilin sentyabrında həyata keçirilən lokal antiterror tədbirləri ilə ölkəmizin suverenliyinin bütün ərazimizdə tam və qətiyyətlə bərqərar olunmasından sonra regionun yalnız təhlükəsizlik paradiqmasını deyil, həm də transkontinental kommunikasiya, geoiqtisadiyyat və hüquq xəritəsini yenidən müəyyənləşdirib. Məhz Prezidentin nümayiş etdirdiyi polad iradə, sarsılmaz hərbi-siyasi qətiyyət və diplomatik uzaqgörənlik Cənubi Qafqazda onilliklər boyu davam edən geostrateji qeyri-müəyyənliyə son qoyub. Bu tarixi Zəfər təkcə işğaldan azad edilmiş torpaqlarımızın dirçəlişinə deyil, eyni zamanda, onilliklər boyu coğrafi təcrid və hərbi-iqtisadi mühasirə şəraitində öz mövcudluğunu qoruyan Naxçıvan Muxtar Respublikası üçün tamamilə yeni bir tarixi inkişaf erasının başlanmasına təkan verib. Prezident İlham Əliyevin rəhbərliyi ilə əldə olunan tarixi qələbələr Naxçıvanın geostrateji statusunu kökündən yeniləyərək, onu Avrasiya geoiqtisadi məkanının əsas birləşdirici qovşağına yüksəldib.
Müstəqillik dönəmində bu böyük tarixi yüksəlişin, sarsılmaz hərbi-siyasi qətiyyətin və modern dövlətçilik modelinin ideoloji, hüquqi və strateji bünövrəsi Ümummilli Lider Heydər Əliyevin 1990-cı illərin əvvəllərində muxtar respublikaya rəhbərliyi dövründə qoyulub. Ən ağır blokada, iqtisadi sıxıntı, enerji böhranı və birbaşa hərbi təcavüz təhdidləri şəraitində Ulu Öndər Heydər Əliyevin göstərdiyi misilsiz siyasi iradə və dövlətçilik dühası Naxçıvanı milli müqavimət və qurtuluş qalasına çevirib, muxtariyyətin varlığını qoruyub saxlayıb. Ümummilli Liderin müəyyənləşdirdiyi bu strateji kurs isə son iki onillikdə Prezident İlham Əliyev tərəfindən keyfiyyətcə yeni, konseptual müstəviyə qaldırılıb.
Prezident İlham Əliyevin və birinci xanım Mehriban Əliyevanın Naxçıvan Muxtar Respublikasına səfərləri regionun yaxın və uzaq perspektivdəki inkişaf trayektoriyasını müəyyənləşdirən tarixi dönüş nöqtəsi olub. Bu səfərlər sadəcə cari infrastruktur obyektlərinin açılışı və ya təməlqoyma mərasimi xarakteri daşımır, muxtar respublikanın unifikasiya olunmuş dövlət idarəçiliyinə keçidini, geoiqtisadi mərkəzə çevrilməsini və milli təhlükəsizlik arxitekturasındakı yerini tam təsbit edir.
Dövlətimizin başçısının muxtar respublikaya səfəri zamanı Azərbaycan Televiziyasına verdiyi müsahibədə səsləndirdiyi fikirlər Naxçıvanın gələcək inkişaf paradiqmasını aydın şəkildə ehtiva edir. Muxtar respublikanı Avrasiyanın ən müasir nəqliyyat, logistika və yaşıl enerji mərkəzlərindən birinə çevirməkdə qətiyyət ifadə olunması, əslində, dövlətimizin başçısının bu istiqamətdə çox aydın, regional inteqrasiya və iqtisadi sıçrayışın dayanıqlığını təmin edəcək yol xəritəsinə malik olduğunu göstərdi. Düstur isə çox sadədir - həyata keçirilən institusional islahatlar, təməli atılan sənaye parkı və bərpaolunan enerji layihələri Naxçıvanın iqtisadi müstəqilliyini sarsılmaz edəcək, buraya böyük investisiya axınını səbəb olacaq.
Prezident İlham Əliyevin Müzəffər Ali Baş Komandanlığı ilə qazanılan hərbi Zəfər, ardınca həyata keçirilən dərin hüquqi, siyasi, institusional və iqtisadi islahatlar Naxçıvanın, Şərqi Zəngəzurun və Qarabağın vahid inkişaf konsepsiyası çərçivəsində birləşdirilməsini reallaşdırıb. "Dəmir yumruq" və polad iradə ilə əldə edilən hərbi Qələbə bu gün dəmir və avtomobil yolları, yaşıl enerji xətləri, transmilli ticarət dəhlizləri və regional inteqrasiya şəklində konkret dividendlərə çevrilir. Naxçıvan Muxtar Respublikası məhz Prezident İlham Əliyevin Ulu Öndər kursuna əsaslanan müdrik siyasəti nəticəsində onilliklərin blokada çətinliklərindən çıxaraq Türk dünyasının birləşdirici qapısına, Avrasiyanın nəqliyyat, logistika və yaşıl enerji mərkəzinə, eləcə də müasir şəhərsalma və sosial rifah modelinə çevrilərək, bütöv Azərbaycanın qüdrətini və regionun dinc, təhlükəsiz gələcəyini simvolizə edir.

Altay Əliyev - Şəhid ailələri, əlillər və müharibə veteranlarının müdafiəsi İctimai Birliyinin fəxri üzvü

 


Sonxeber.az
Telegramda izləyin
Sosial   Baxılıb: 405   Tarix: 12 avqust 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA

Kirayə münasibətlərində ev sahiblərinin üzləşdiyi problemlərdən biri də müqavilənin müddəti başa çatdıqdan və ya kirayə haqqı ödənilmədikdən sonra kirayəçinin mənzili boşaltmaqdan imtina etməsidir. Belə hallarda mülkiyyətçilər həm əmlak hüquqlarını qorumaq, həm də qanun çərçivəsində hərəkət etmək məcburiyyətind

17 noyabr
.

Azərbaycanda Milli Dirçəliş Günüdür

Bu gün - noyabrın 17-si Azərbaycanda Milli Dirçəliş Günüdür. Bayram 1988-ci ilin noyabr-dekabrında Bakıda başlayan milli-azadlıq hərəkatı ilə bağlıdır. Həmin vaxt SSRİ rəhbərliyinin Qarabağ məsələsi ətrafında apardığı anti-Azərbaycan siyasəti nəticəsində Azərbaycanda antisovet xalq hərəkatı təşəkkü

17 noyabr
.

"20 Yanvar"da qəza - Motosikletçi öldü

Bakıda ölümlə nəticələnən yol qəzası baş verib. APA-ya istinadən xəbər verir ki, hadisə metronun "20 Yanvar" stansiyasının yaxınlığında qeydə alınıb. Hadisə zamanı avtomobil motosikletlə toqquşub. Nəticədə motosikleti idarə edən şəxs hadisə yerində ölüb

17 noyabr
.

Milli teleradio: Dövlətçilik ənənələrinin, milli kimliyin və Azərbaycan həqiqətlərinin təbliğində strateji vasitə

"Azərbaycan Respublikasının Prezidenti İlham Əliyevin milli radio və televiziya yayımının yubileyi münasibətilə ünvanladığı müraciət ölkəmizin informasiya siyasətinin əsas istiqamətlərini, milli medianın cəmiyyət və dövlət qarşısındakı məsuliyyətini, eləcə də müasir dövrdə informasiya təhlükəsizliyini

16 noyabr
.

Bu hərbçilərin həyat yoldaşlarına müavinət ödənilməsi təklif olunur

Yeni xidmət yerinə köçən hərbçilərin həyat yoldaşlarına minimum əməkhaqqı məbləğində müavinət ödənilməsi təklif olunur. Bunu APA-ya açıqlamasında Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev bildirib. Arzu Nağıyev deyib ki, bununla bağlı "Hərb

17 noyabr
.

Milli teleradio ənənələri və dövlətçilik ideologiyası: Azərbaycan mediasının qarşısında duran yeni vəzifələr

Azərbaycanın milli dövlətçilik tarixində radio və televiziya yalnız informasiya yayımı vasitəsi deyil, həm də xalqın milli-mənəvi dəyərlərinin qorunması, tarixi yaddaşının yaşadılması və dövlətçilik ideologiyasının möhkəmləndirilməsi baxımından mühüm ictimai institutlardır. Prezident İlham Əliyevin Azərbayca

16 noyabr
.

Milli Məclis gələn ilin büdcə zərfini I oxunuşda müzakirə edir

Milli Məclisin bu gün keçirilən plenar iclasında gələn ilin büdcə zərfi, o cümlədən "2027-ci il dövlət büdcəsi haqqında" qanun layihəsi müzakirəyə çıxarılıb. xəbər verir ki, gələn il büdcənin gəlirləri 39 milyard 254 milyon manat (o cümlədən mərkəzləşdirilmiş gəlirləri 38 milyard 518 milyo

16 noyabr
.

Direktorların işə qəbul nəticələri - Açıqlandı

2026-cı ildə keçirilmiş direktorların işə qəbulu müsabiqəsinin nəticələri elan edilib. "Qafqazinfo" xəbər verir ki, bu barədə MÜTDA məlumat yayıb. Bildirilib ki, müsabiqədə müəyyən edilmiş tələblərə cavab verən 463 nəfər uğur qazanıb. Namizədlərin müsabiqə nəticələri barədə məlumatlar onları

16 noyabr
.

Deputat Ağalar Vəliyevin oğluna məxsus "Kristal Bakı" vətəndaşları aldadır?

Ölkənin aparıcı tikinti şirkətlərindən biri olan "Kristal Bakı" ASC (VÖEN - 3103396091) satışa çıxardığı mənzilləri alıcılara fərqli qiymətlərlə təqdim edir. "Real Azərbaycan" xəbər verir ki, şirkətin rəsmi saytı - " vasitəsilə satışa çıxarılan mənzillərin aylıq ödəniş məbləğlər

16 noyabr