Eyni marka, fərqli tərkib: Qlobal brendlər məhsullarını niyə ölkədən-ölkəyə dəyişirlər? - QİDA EKSPERTİNDƏN AÇIQLAMA
Qlobal brendlərin eyni məhsulu müxtəlif ölkələrdə fərqli tərkiblə istehsal etməsi son illərdə istehlakçıların diqqətini çəkən məsələlərdən biridir. Eyni marka adı və oxşar qablaşdırma ilə satılan məhsulların dadı, qoxusu, istifadə olunan xammalı və hətta bəzi hallarda əsas tərkib komponentləri bazardan-bazara dəyişə bilir.
Bu isə istehlakçılarda haqlı olaraq sual yaradır: Beynəlxalq şirkətlər məhsulların tərkibini hansı səbəblərdən ölkədən-ölkəyə dəyişirlər? Bu fərqlər yerli qanunvericilik, xammalın əlçatanlığı və istehsal xərcləri ilə, yoxsa bazarın xüsusiyyətləri ilə bağlıdır?
Mövzu ilə bağlı qida eksperti Fərid Səfərov Sonxeber.az-a açıqlamasında bildirdi ki, qlobal korporasiyaların eyni məhsulu müxtəlif ölkələrdə fərqli tərkibdə istehsal etməsi kifayət qədər geniş yayılmış praktikadır. Onun sözlərinə görə, bunun əsas səbəbi məhsulun keyfiyyətinin mütləq şəkildə bir ölkədə digərindən aşağı olması deyil, hər bir bazarın qanunvericiliyinin, istehlakçı zövqünün, xammal imkanlarının və qiymət şərtlərinin fərqli olmasıdır: "İlk növbədə, ölkələrin qida qanunvericiliyi və icazə verdiyi əlavələr fərqlənə bilər. Bir ölkədə istifadəsinə icazə verilən müəyyən qida əlavəsi, rəngləndirici, konservant və ya şirinləşdiriciyə başqa ölkədə məhdudiyyət qoyula bilər. Buna görə istehsalçı məhsulun resepturasını həmin ölkənin tələblərinə uyğunlaşdırır.
İkinci mühüm amil istehlakçıların dad və qidalanma vərdişləridir. Məsələn, bir ölkədə daha şirin, digərində isə daha az şirin məhsula üstünlük verilə bilər. Duz, yağ, şəkər, ədviyyat və digər komponentlərin miqdarı da yerli istehlakçıların zövqünə uyğun dəyişdirilə bilər.
Digər səbəb xammalın əlçatanlığı və qiymətidir. Şirkətlər məhsulu müxtəlif ölkələrdə yerli və ya regional xammaldan hazırlaya bilərlər. Bu zaman resepturada müəyyən dəyişikliklər yaranır. Eyni zamanda, istehsal və logistika xərclərini azaltmaq üçün bəzi komponentlərin alternativləri seçilə bilər.
Burada qiymət siyasəti də mühüm rol oynayır. Müxtəlif ölkələrdə istehlakçıların alıcılıq qabiliyyəti və bazarın qiymət həssaslığı eyni deyil. Şirkət məhsulu müəyyən qiymət səviyyəsində saxlamaq üçün resepturada və istifadə olunan xammalda dəyişiklik edə bilər.
Bəzən isə fərq birbaşa yerli qida mədəniyyəti və məhsula olan gözləntilərlə bağlı olur. Eyni brendin məhsulu müxtəlif ölkələrdə fərqli dad, tekstura və qida xüsusiyyətlərinə malik ola bilər.
Lakin istehlakçı üçün əsas məsələ budur ki, məhsulun üzərindəki etiket və qida dəyəri cədvəli diqqətlə oxunsun. Eyni brend və eyni qablaşdırma məhsulun bütün ölkələrdə tamamilə eyni tərkibə malik olduğu anlamına gəlmir. Buna görə məhsulu yalnız brend adına və "orijinal resept", "təbii", "premium" kimi marketinq ifadələrinə əsasən qiymətləndirmək düzgün deyil. Ən doğru yanaşma konkret ölkədə satılan məhsulun tərkibini, şəkər, duz, yağ miqdarını və istifadə olunan əlavələri etiketdən yoxlamaqdır.
Sağlam qidalanaraq sağlam yaşayın!".
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri