Düzgün şampunu necə seçməliyik? - DERMATOLOQDAN AÇIQLAMA
Şampun seçimi bir çox insan üçün sadəcə saçın təmizlənməsi məsələsi kimi görünsə də, istifadə olunan məhsul həm saçın, həm də baş dərisinin vəziyyətinə təsir göstərə bilər. Yağlı, quru, həssas və kəpəyə meyilli baş dərisinin ehtiyacları eyni olmadığı üçün bütün saç tiplərinə uyğun "universal" şampun seçimi düzgün yanaşma sayılmır. Dermatoloqlar da şampun seçərkən ilk növbədə saç və baş dərisinin xüsusiyyətlərinin nəzərə alınmasını tövsiyə edirlər. Digər tərəfdən, reklamda "saç tökülməsinə qarşı", "dərin təmizləyici", "nəmləndirici" və ya "təbii tərkibli" kimi təqdim olunan hər məhsul hər kəs üçün uyğun olmaya bilər.
Xüsusilə kəpək, qaşınma və ya saç tökülməsi kimi problemlər olduqda yalnız şampun dəyişməklə kifayətlənmək düzgün olmaya bilər. Bəs saç tipinə və baş dərisinin vəziyyətinə uyğun şampunu seçərkən hansı məqamlara diqqət etmək lazımdır?
Mövzu ilə bağlı dermatoloq Sənubər Rzayeva Sonxeber.az-a açıqlamasında bildirdi ki, şampun seçərkən ilk növbədə məhsulun reklamına deyil, saçın və baş dərisinin xüsusiyyətlərinə diqqət etmək lazımdır. Onun sözlərinə görə, yağlı baş dərisi olan şəxslərlə quru və həssas baş dərisinə sahib insanların eyni şampundan istifadə etməsi hər zaman düzgün nəticə vermir: "Məndə şampunun saç tipinə uyğun seçilməsini və əsasən baş dərisinə tətbiq edilməsini tövsiyə edirəm. Kəpək, qaşınma və baş dərisində qabıqlanma kimi problemlər olduqda isə adi şampunla kifayətlənmək doğru olmaya bilər. Belə hallarda tərkibində kəpəyə qarşı aktiv maddələr olan xüsusi şampunlardan istifadə lazım gələ bilər.
Lakin problem davam edərsə, səbəbi müəyyənləşdirmək üçün dermatoloqa müraciət etmək daha məqsədəuyğundur, çünki kəpək və qaşınma müxtəlif dəri xəstəlikləri ilə də əlaqəli ola bilər. Şampunu saçın bütün uzunluğuna sürtmək əvəzinə əsasən baş dərisini təmizləmək lazımdır. Saçın uzunluğunun həddindən artıq yuyulması quruluq və zədələnməni artıra bilər. Kondisionerin isə saçın tipindən asılı olaraq əsasən uclara və uzunluğa tətbiqi tövsiyə olunur".
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri