Boşanma mərhələsində olan cütlüyün mübahisəsi gündəm oldu - VİDEO

İstanbulun Esenyurt rayonunda boşanma mərhələsində olan cütlük arasında uşaqların təhvil verilməsi zamanı mübahisə yaşanıb. Serra Biber adlı qadın hadisə zamanı həyat yoldaşının ona ağır təhqirlər etdiyini iddia edərək görüntüləri sosial mediada paylaşıb.

Sonxeber.az xarici mediaya istinadla xəbər verir ki, hadisənin görüntülərinin yayılmasından sonra "qadına şiddət" iddiaları gündəmə gəlib. Kadrlarda qadının uşaqları atasının avtomobilinə mindirdiyi, tərəflər arasında mübahisə yarandığı və kişinin daha sonra ağır ifadələr işlətdiyi görünür.

Bundan sonra kişinin özü də açıqlama verərək ittihamları rədd edib. O, həyat yoldaşının uşaqları pul və əmlak məsələlərində vasitə kimi istifadə etdiyini, uşaqları onun qapısına qoyaraq "İstəsən, bunları müəssisəyə ver, mən bu uşaqlara baxmayacağam" dediyini iddia edib.

Kişi uşaqları 15 gündən bir, şənbə və bazar günləri qəbul etdiyini bildirib. O, həyat yoldaşının daha əvvəl yaşadığı və işlədiyi məkanda problem yaratdığı üçün həmin yerlərə girişinin qadağan edildiyini də söyləyib.

Açıqlamasının sonunda kişi hadisə zamanı işlətdiyi ağır söyüşlərə görə üzr istəyib və uşaqları üçün sakit qalmağa çalışdığını bildirib.

Telegramda izləyin