Niderlandda yaşayan türk qadının başına gələnlər şok etdi! - VİDEO

Niderlandda yaşayan türk qadın iş yerində ukraynalı həmkarı tərəfindən irqçi ifadələrə məruz qaldığını və şirkət rəhbərliyinin hadisəyə laqeyd yanaşdığını sosial media hesabında paylaşıb. Zərərçəkən əməkdaş İnsan Resursları (HR) departamentinin səhlənkarlığı səbəbindən sübutların yoxa çıxdığını və hadisənin ört-basdır edildiyini iddia edib.

Sonxeber.az xarici mediaya istinadla xəbər verir ki, yaşadığı hadisəni danışan qadın prosesin birbaşa onun mədəniyyətinə yönəlmiş təhqirlə başladığını qeyd edib. Ukraynalı həmkarının "Türk mədəniyyəti aşağı səviyyəli bir mədəniyyətdir" dediyini bildirən qadın belə deyib:

"Onu iki dəfə xəbərdar etməyimə baxmayaraq, bu təhqirləri üç dəfə təkrarladı. Mən də dərhal İnsan Resursları departamentinə şikayət etdim."

Şikayətindən sonra HR departamentinin əməkdaşlarından birinin onunla görüşdüyünü və qarşı tərəflə də danışacaqlarını vəd etdiyini bildirən qadın, buna baxmayaraq tam 4 həftə ərzində heç bir tədbir görülmədiyini vurğulayıb. Məsələnin uzadılması səbəbindən ikinci dəfə şikayət etmək məcburiyyətində qaldığını deyib.

İkinci şikayətdən sonra HR əməkdaşı ilə üzləşən ukraynalı həmkarının dediklərinin hamısını inkar etdiyini bildirən türk qadın həqiqətin üzə çıxarılması üçün təhlükəsizlik kameralarının görüntülərinə baxılmasını tələb edib.

Lakin HR əməkdaşının ona "Görüntülər 7 gündən sonra silinir" cavabını verdiyini bildirib.

Qadın bununla da hadisə ilə bağlı əsas sübutların itirildiyini və şirkətin məsələni ört-basdır etdiyini iddia edib.

Telegramda izləyin