Bu avtomobillərin kreditlə alışı daha SƏRFƏLİDİR - AÇIQLAMA

Elektrik və hibrid avtomobillərə kredit şərtlərində tətbiq olunan fərqlər həm ekoloji təmiz nəqliyyatın təşviqi, həm də bu avtomobillərin maliyyə əlçatanlığının artırılması məqsədi daşıyır. Azərbaycanda bu nəqliyyat vasitələri üçün daha aşağı ilkin ödəniş imkanlarının yaradılması da alıcının avtomobili kreditlə əldə etməsini asanlaşdıra bilər.

Bəs, elektrik və hibrid avtomobillərə daha sərfəli kredit şərtlərinin tətbiqi banklar və istehlakçılar baxımından hansı iqtisadi səbəblərlə izah olunur, bu güzəştlər vətəndaşın ümumi kredit yükünü nə dərəcədə azalda bilər və belə mexanizmlərin genişləndirilməsi Azərbaycanda bu avtomobillərə tələbatı artıra bilərmi?
Mövzu ilə bağlı Sonxeber.az-a açıqlama verən İqtisadçı ekspert Natiq Cəfərli bildirib ki, bankların hibrid və elektrik avtomobillərinin kreditləşdirilməsinə daha əlverişli şərtlər tətbiq etməsi dövlətin "yaşıl iqtisadiyyat"a keçidlə bağlı siyasəti çərçivəsində atılan addımlarla əlaqəli ola bilər.

"Belə ki, əvvəlki dövrdə hibrid və elektrik avtomobillərinin idxalı ilə bağlı müəyyən gömrük və vergi güzəştləri tətbiq olunurdu. Bu güzəştlərin bu ildən ləğv edilməsi həmin avtomobillərə marağın əhəmiyyətli dərəcədə azalmasına səbəb olub. Marağın yenidən artırılması məqsədilə dövlət proqramları çərçivəsində banklarla, o cümlədən Mərkəzi Bankla müəyyən əməkdaşlığın aparılması və elektrik, hibrid avtomobillərin kreditləşdirilməsi şərtlərinin yumşaldılması ehtimal olunur. Bu baxımdan bankların sözügedən avtomobillərə daha əlverişli kredit şərtləri təklif etməsinin əsas məqsədlərindən biri tələbatı yenidən artırmaq və "yaşıl iqtisadiyyat"a keçidi dəstəkləmək ola bilər".

Röyalə Xəyal

Telegramda izləyin