Prezidentinin Qırğızıstana işgüzar səfəri ölkəmiz üçün olduqca əhəmiyyətlidir - AÇIQLAMA
"Şanxay Əməkdaşlıq Təşkilatının aparıcı dövləti Çindir. Çin dünyanın ən böyük qlobal güclərindən biridir. Xüsusilə iqtisadi-ticarət sahəsində Çin faktiki olaraq dünyanın aparıcı dövlətlərindən birinə çevrilib. Belə bir nəhəng dövlətin öncülük etdiyi qurumda Azərbaycanın təmsil olunması, zirvə görüşünə dəvət edilməsi və iştirak etməsi ölkəmizin əhəmiyyətinə əlavə faktorlar qatır".
Bunu Sonxeber.az-a açıqlamasında siyasi şərhçi Azər Həsrət bildirib.
O, bildirib ki, Şanxay Əməkdaşlıq Təşkilatı coğrafi əhatəsinə, əhali sayına və iqtisadi gücünə görə həqiqətən də nəhəng bir qurumdur:
"Dünyanın digər tərəfində ABŞ və Avropa İttifaqı kimi böyük güclər olsa da, Azərbaycanın yerləşdiyi coğrafiyada Şanxay Əməkdaşlıq Təşkilatı mühüm təsir imkanlarına malikdir. Azərbaycanın bu təşkilatın zirvə görüşünə dəvət olunması və burada iştirakı bu baxımdan xüsusi əhəmiyyət daşıyır. Eyni zamanda nəzərə almaq lazımdır ki, Orta Asiyanın türk dövlətlərinin böyük əksəriyyəti, Türkmənistan istisna olmaqla, bu təşkilatda iştirak edir. Azərbaycan da bu baxımdan Orta Asiya formatında Şanxay Əməkdaşlıq Təşkilatının fəaliyyətinə qoşulur. İstər ikitərəfli, istərsə də çoxtərəfli əlaqələrin inkişaf etdirilməsi, xüsusilə ticarət-iqtisadi münasibətlərin daha yüksək səviyyəyə çatdırılması və Çinin artan iqtisadi-ticarət imkanlarından yararlanılması baxımından bu səfər əhəmiyyətlidir".
Ekspert qeyd edib ki, Azərbaycan öz milli dövlət maraqlarına uyğun olaraq müxtəlif beynəlxalq formatlarda iştirak edir:
"Bizim üçün diqqətçəkən məqamlardan biri də Azərbaycanın bu platformalara yalnız öz təşəbbüsü ilə deyil, təşkilatçıların dəvəti ilə cəlb olunmasıdır. Bu, Azərbaycanın beynəlxalq müstəvidə artan rolunun göstəricilərindən biri kimi qiymətləndirilə bilər. Bu gün dünyanın aparıcı güclərinin, o cümlədən Çin, ABŞ və Avropa İttifaqının Azərbaycanla əməkdaşlığa maraq göstərməsi ölkəmizin geosiyasi və geoiqtisadi əhəmiyyətinin artdığını göstərir. Müxtəlif beynəlxalq, regional və dövlətlərarası qurumların Azərbaycanı öz əməkdaşlıq formatlarında görmək istəməsi dövlətimizin beynəlxalq mövqeyinin güclənməsinin göstəricisidir. Bu baxımdan Azərbaycan Prezidentinin Şanxay Əməkdaşlıq Təşkilatının zirvə görüşündə iştirakı və Qırğızıstana işgüzar səfəri ölkəmiz üçün həm ikitərəfli, həm də çoxtərəfli əməkdaşlıq baxımından olduqca əhəmiyyətlidir".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Sabaha leysan gözlənilir - XƏBƏRDARLIQ
Qətlə yetirilən Gülarənin atası danışdı - "Ayxan 2 ay idi gecələr yatmırdı"
Qadın qətllərinə qarşı ən sərt cəzalar: Azərbaycan İstanbul Konvensiyasına qoşula bilərmi? - VƏKİLDƏN AÇIQLAMA
Kiberdələduzluqda bir başqa yol...
Xarici vətəndaşlıq hərbi xidmətdən azad etmir - VACİB AÇIQLAMA
Elton qızına toy edir
Vətəndaşlara aşağı faizli kredit imkanı: Hansı şərtlər tələb olunur?
Prezident İlham Əliyev Vyetnama rəsmi səfərə gedib - Foto/Video
Kupçasız ev alanlar pullarını və əmlakı itirə bilər? - EKSPERTDƏN XƏBƏRDARLIQ
Nikahdan əvvəl alınan ev boşanma zamanı bölünə bilərmi? - Qanun nə deyir? - ƏMLAK EKSPERTİNDƏN AÇIQLAMA
Sənət adamlarından Könül Xasıyevanı pubda oxumasına reaksiya: "Mənim yaşıma uyğun deyil"
Vəkil Orxan Kəngərli həbs edildi
Azərbaycan-Vyetnam münasibətlərində yeni mərhələ: Əməkdaşlıq hansı istiqamətlərdə genişlənəcək?
Yaşıl çay alarkən bunlara diqqət edin - Keyfiyyətsiz məhsulu necə tanımaq olar? - QİDA EKSPERTİNDƏN AÇIQLAMA
Reuters: "Tayvan Çini seçkilərə müdaxilə etmək üçün minlərlə sosial media hesabından istifadə etməkdə ittiham edir"