"Azərbaycanın Şanxay Əməkdaşlıq Təşkilatı ilə əlaqələri genişlənir" - AÇIQLAMA

"Azərbaycanın Şanxay Əməkdaşlıq Təşkilatı ilə əlaqələri genişlənir" - AÇIQLAMA"Avqustun 31-də Bişkekdə Şanxay Əməkdaşlıq Təşkilatının növbəti Zirvə görüşü öz işinə başlayıb. Qırğızıstan Prezidenti Sadır Japarov sədrlik etdiyi beynəlxalq toplantı "ŞƏT-in 25 ili: davamlı sülh, inkişaf və rifah naminə birlikdə" şüarı altında keçirilir. Qurumun 26-cı Zirvə görüşündə, ümumilikdə, 17 dövlətin lideri və nümayəndə heyəti iştirak edir", - bunları Sonxeber.az -a danışan "Uğur" Gənclərin Maarifləndirilməsi İctimai Birliyinin sədri Əlövsət Allahverdiyev deyib:

"Sammitdə dialoq tərəfdaşı statusunda və ya xüsusi dəvətlə yüksək səviyyədə təmsil olunan ölkələrin siyahısında yer alan Azərbaycan bu nəhəng məkanla yalnız ikitərəfli əlaqələr vasitəsilə deyil, institusional əməkdaşlıq çərçivəsində də sıx bağlıdır. Belə ki, Azərbaycanın 2015-ci ildən ŞƏT-in dialoq tərəfdaşı statusu qazanması ölkəmizin təşkilatın siyasi, iqtisadi, nəqliyyat, enerji, təhlükəsizlik və humanitar gündəliyi ilə əlaqələrini genişləndirməsinə imkan verib.
Hazırda bu iqtisadi məkan ölkəmiz üçün həm mövcud ticarət əlaqələri, həm də nəqliyyat, logistika, investisiya, sənaye və enerji imkanlarının genişləndirilməsi baxımından xüsusi əhəmiyyət daşıyır. 2025-ci ildə Azərbaycanın 48,9 milyard dollarlıq ümumi xarici ticarət dövriyyəsini təşkil edib. Bunun da 10 faizi Rusiya, 9,9 faizi Çin, 1,6 faizi Özbəkistan, 1,4 faizi, Qazaxıstan və 1,3 faizi İranın daxil olduğu ŞƏT üzvü olan ölkələrin payına düşüb. Bu göstəricilər isə, heç şübhəsiz, ŞƏT üzvlərinin Azərbaycan üçün artıq real və əhəmiyyətli iqtisadi tərəfdaşlara çevrildiyini göstərir.
Əlaqələrin genişləndirilməsi üçün potensial təkcə ticarətlə məhdudlaşmır. ŞƏT məkanı, həm də ölkəmiz üçün nəqliyyat və logistika, investisiya, sənaye, energetika və qeyri-neft sektorunda əməkdaşlığın genişləndirilməsi baxımından böyük imkanlar yaradır. Azərbaycanın Orta Dəhlizdəki mövqeyi, Xəzər üzərindən nəqliyyat bağlantıları və Avropa bazarlarına çıxış imkanları ŞƏT ölkələrinin artan istehsal və ixrac potensialı ilə birləşdikdə yeni iqtisadi zəncirlərin formalaşmasına şərait yarada bilər.
Məlum olduğu kimi, hazırda ölkəmiz enerjinin istehsal olunduğu bölgələrlə istehlak bazarları arasında bağlantı yaradan mühüm dövlətlərdən biridir. Bu baxımdan, Azərbaycan qazını Gürcüstan və Türkiyə vasitəsilə Avropaya çatdıran Cənub Qaz Dəhlizinin əhəmiyyəti getdikcə artır. Təkcə onu qeyd etmək kifayətdir ki, ötən il 3 min 500 kilometr uzunluğunda olan bu nəhəng ixrac sistemi vasitəsilə Avropa bazarlarına 12,5 milyard kubmetr təbii qaz tədarük edilib.
Bununla yanaşı, Bakı-Tbilisi-Ceyhan əsas ixrac neft kəməri, Bakı-Tbilisi-Qars dəmir yolu, Bakı Beynəlxalq Dəniz Ticarət Limanı layihələri, eləcə də Azərbaycanın "Şərq-Qərb" və "Şimal-Cənub" nəqliyyat dəhlizlərinin üzərində yerləşməsi ölkəmizin müxtəlif regionları birləşdirmək imkanlarını nümayiş etdirir. Gələcəkdə isə Zəngəzur dəhlizi (TRIPP) bu imkanları daha da genişləndirəcək. Təsadüfi deyil ki, son zamanlar Zəngəzur dəhlizi Azərbaycanın Mərkəzi Asiya və daha geniş ŞƏT məkanı ilə bağlantı imkanlarını artıran başlıca amillərdən biri kimi dəyərləndirilir.
Heç şübhəsiz, Azərbaycanın ŞƏT məkanındakı mövqeyini gücləndirən əsas amillərdən biri də Mərkəzi Asiya dövlətləri ilə əlaqələrin sürətlə inkişaf etməsidir. Bu baxımdan, ŞƏT-in 2026-cı ildə Qırğızıstanın paytaxtı Bişkekdə keçiriləcək Zirvə toplantısı xüsusi əhəmiyyət daşıyır. Azərbaycanın Şanxay Əməkdaşlıq çərçivəsində tərəfdaşlıq etdiyi Qırğızıstanla münasibətləri çoxəsrlik tarixə malikdir. Keçmiş SSRİ-nin tərkibində müttəfiq respublikalar olan Azərbaycan və Qırğızıstan ötən əsrin sonlarında tarixi müstəqilliklərinə qovuşduqdan sonra ikitərəfli əlaqələr dostluq, qardaşlıq və strateji müttəfiqlik müstəvisində inkişaf etməyə başlayıb. Xatırladaq ki, Azərbaycan Respublikası ilə Qırğızıstan Respublikası arasında diplomatik münasibətlərin əsası 33 il əvvəl qoyulub. Bundan əlavə, 28 il əvvəl ölkələrimiz arasında dostluq və əməkdaşlığa dair müqavilə imzalanıb.
Şanxay Əməkdaşlıq Təşkilatı dünyanın aparıcı regional və beynəlxalq əməkdaşlıq platformalarından biridir. Hazırda təşkilatda 10 dövlət tamhüquqlu üzv kimi, 2 dövlət müşahidəçi, 15 dövlət isə dialoq tərəfdaşı statusunda təmsil olunur. Bu fakt ŞƏT-in kifayət qədər geniş coğrafiyanı və böyük əhali potensialını əhatə edən nüfuzlu bir quruma çevrildiyini göstərir.
Təşkilatın iqtisadi çəkisi də diqqətəlayiqdir. ŞƏT-ə üzv dövlətlərin payına dünya iqtisadiyyatının, təxminən, 24 faizi düşür. Bu isə, təqribən, 25 trilyon ABŞ dolları həcmində ümumi daxili məhsul deməkdir. Bu baxımdan Azərbaycanın Şanxay Əməkdaşlıq Təşkilatı ilə tərəfdaşlığı, mahiyyət etibarilə, nəhəng iqtisadi potensiala malik ölkələrin təmsil olunduğu geniş əməkdaşlıq məkanına çıxış imkanları yaradır.
Azərbaycanın xarici ticarət əlaqələrinə nəzər saldıqda da ŞƏT məkanının ölkəmiz üçün xüsusi əhəmiyyət daşıdığı görünür. Ölkəmizin ən böyük xarici ticarət tərəfdaşlarından 4-dən 3-ü məhz bu təşkilatda təmsil olunur. Onlardan 2-si ŞƏT-in tamhüquqlu üzvü, 1-i isə tərəfdaş dövlət statusuna malikdir. Bu, Azərbaycanın artıq təşkilat məkanına daxil olan ölkələrlə dərin və çoxşaxəli ticarət-iqtisadi əlaqələr formalaşdırdığını göstərir.
Təbii ki, Azərbaycan Prezidentinin ŞƏT-in Zirvə görüşündə iştirakı və bu çərçivədə keçirilən görüşlər ölkəmizin təşkilata üzv və tərəfdaş dövlətlərlə əlaqələrinin daha da genişlənməsi baxımından mühüm əhəmiyyət daşıyır. Zirvə toplantısı çərçivəsində aparılan müzakirələr yeni iqtisadi əməkdaşlıq istiqamətlərinin müəyyənləşdirilməsi, qarşılıqlı investisiyaların artırılması, ticarət dövriyyəsinin genişləndirilməsi, nəqliyyat və logistika əlaqələrinin inkişafı üçün əlavə imkanlar yarada bilər.
Beləliklə, Azərbaycanın Şanxay Əməkdaşlıq Təşkilatı ilə əməkdaşlığı böyük iqtisadi potensiala malik geniş bir coğrafiya ilə əlaqələrin inkişafı baxımından mühüm əhəmiyyət daşıyır. Zirvə görüşündə iştirak və keçirilən yüksək səviyyəli müzakirələr Azərbaycanın təşkilat məkanında yer alan dövlətlərlə siyasi, iqtisadi və ticarət əlaqələrinin yeni mərhələyə yüksəlməsinə, qarşılıqlı sərmayələrin artmasına və ölkəmizin regional iqtisadi proseslərdə mövqeyinin daha da möhkəmlənməsinə xidmət edə bilər".


Sonxeber.az
Telegramda izləyin
Siyasət   Baxılıb: 537   Tarix: 01 sentyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Prezident və xanımının şərəfinə rəsmi nahar verilib

Noyabrın 21-də Hanoyda Vyetnam Sosialist Respublikasının Prezidenti To Lamın və xanımı No Fon Linin adından Azərbaycan Respublikasının Prezidenti İlham Əliyevin və birinci xanım Mehriban Əliyevanın şərəfinə rəsmi nahar verilib. AZƏRTAC-a istinadən xəbər verir ki, prezidentlər tədbirdə çıxış ediblər

21 noyabr
.

Prezident İlham Əliyev Vyetnam Xəbər Agentliyinə müsahibə verib

Azərbaycan Respublikasının Prezidenti İlham Əliyev Vyetnam Xəbər Agentliyinə (VNA) müsahibə verib. AZƏRTAC-a istinadən müsahibəni təqdim edir:. - Hörmətli cənab Prezident, ikitərəfli əməkdaşlığın tarixində yeni mərhələnin başlanması ilə əlamətdar olacaq Vyetnama qarşıdakı rəsmi səfəriniz ərəfəsində Si

19 noyabr
.

İlham Əliyevlə xanımını belə qarşıladılar - Video - Fotolar

Azərbaycan Prezidenti İlham Əliyevin noyabrın 21-də Vyetnam Sosialist Respublikasının paytaxtı Hanoyda rəsmi qarşılanma mərasimi olub. "Qafqazinfo" xəbər verir ki, Vyetnamın və Azərbaycanın Dövlət bayraqlarının dalğalandığı meydanda Prezident İlham Əliyevin şərəfinə fəxri qarovul dəstəsi düzülmüşdü

21 noyabr
.

Prezident İlham Əliyev: "Vyetnam biznesinin Azərbaycan iqtisadiyyatında iştirakı münasibətlərin mühüm tərkib hissəsidir"

"Vyetnam biznesinin Azərbaycan iqtisadiyyatında iştirakı da ikitərəfli münasibətlərin mühüm tərkib hissəsidir". AZƏRTAC-a istinadən xəbər verir ki, bu fikir Prezident İlham Əliyev Vyetnam Xəbər Agentliyinə (VNA) müsahibəsində səsləndirib. "Tikinti və infrastrukturun inkişafı, həmçini

19 noyabr
.

Əliyev Vyetnam Milli Assambleyasının sədri ilə bir arada - Fotolar - Yenilənib

Azərbaycan Prezidenti İlham Əliyev bu gün Hanoyda Vyetnamın Milli Assambleyasının sədri Çan Tan Man ilə görüşüb. "Qafqazinfo" xəbər verir ki, bununla bağlı Prezidentin Mətbuat Xidməti məlumat yayıb. *. Görüşdə çıxış edən Milli Assambleyanın sədri Çan Tan Man deyib:. - Sosial və iqtisadi sahələrd

20 noyabr
.

Məsud Pezeşkian İranda Qərbi Azərbaycana qarşı ədalətsizlikdən danışdı - Video

İran Prezidenti Məsud Pezeşkian ölkənin əyalətləri arasında mövcud olan sosial-iqtisadi bərabərsizlikdən bəhs edərək, Qərbi Azərbaycan ostanının digər bölgələrdən geri qalmasını nümunə göstərib. xəbər verir ki, bu barədə İranın "Fars" informasiya agentliyi məlumat yayıb. Dövlət başçısının sözlərin

21 noyabr
.

25 Noyabr - Kəlbəcər Şəhəri Gününü qalib və güclü ölkənin vətəndaşları kimi qeyd etmək qürurvericidir

2020-ci il noyabrın 25-i Azərbaycan tarixinə Kəlbəcərin erməni işğalından azad edildiyi gün kimi yazılıb. Prezident İlham Əliyevin 2023-cü il iyulun 31-də imzaladığı Sərəncama əsasən, bu şanlı tarix Kəlbəcər Şəhəri Günü kimi qeyd olunur. Kəlbəcər 1930-cu il avqustun 8-də inzibati rayon statusu alıb

21 noyabr
.

Prezident Almaniyanın XİN rəhbərini qəbul etdi - Foto

Azərbaycan Prezidenti İlham Əliyev bu gün Almaniya xarici işlər naziri Yohan David Vadefulun başçılıq etdiyi nümayəndə heyətini qəbul edib. "Qafqazinfo" xəbər verir ki, qonaq, ilk növbədə, Almaniya Prezidenti Frank-Valter Ştaynmayerin və Federal Kansler Fridrix Mertsin salamlarını dövlət başçısın

17 noyabr
.

İki ölkə arasında iqtisadi münasibətlər yeni mərhələdə

Vyetnamın iqtisadi gücü, sənaye və istehsal potensialı, Azərbaycanın enerji resursları, tranzit imkanları və əlverişli coğrafi mövqeyi qarşılıqlı iqtisadi əməkdaşlığın genişləndirilməsi üçün ciddi zəmin yaradır. Prezident İlham Əliyevin Vyetnam Xəbər Agentliyinə verdiyi müsahibə iki ölkə arasında iqtisad

20 noyabr