Boşanmadan da aliment almaq MÜMKÜNDÜR - AÇIQLAMA

Ailə münasibətlərində nikahın davam etməsi valideynlərin uşağın saxlanılması ilə bağlı öhdəliyini aradan qaldırmır. Valideynlərdən biri uşağın maddi təminatında iştirak etmədikdə, boşanma rəsmiləşdirilmədən də aliment tələb etmək mümkündür. Bunun üçün mütləq boşanma prosesinin başlanması tələb olunmur. Aliment tərəflərin razılaşması əsasında və ya məhkəmə qaydasında tutula bilər.

Bəs, boşanma rəsmiləşdirilmədən aliment tələb etmək hansı hallarda mümkündür, bunun üçün məhkəməyə necə müraciət edilməlidir və alimentin məbləği hansı meyarlar əsasında müəyyənləşdirilir?
Mövzu ilə bağlı Sonxeber.az-a açıqlama verən vəkil Cvanşir Qasımzadə bildirib ki, nikahın pozulması ilə bağlı iddia qaldırmadan da aliment tələb etmək mümkündür.

"Nikahın pozulması və aliment tələbi adətən eyni iş çərçivəsində nəzərdən keçirilsə də, hüquqi baxımdan bunlar bir-birindən müstəqil tələblərdir. Şəxs nikahı pozmadan aliment almaq istəyirsə, bunun üçün ərazi aidiyyəti üzrə mediasiyaya müraciət edə bilər. Mediasiya prosesində tərəflər arasında razılaşma əldə olunmadığı halda, müvafiq arayışla məhkəməyə müraciət etmək mümkündür. Məhkəmə qaydasında da nikah pozulmadan aliment tutulması mümkündür. Əgər sübut olunarsa ki, valideyn uşaqlarının saxlanılmasında iştirak etmir və onların təminatını həyata keçirmir, məhkəmə həmin şəxsdən uşaqların xeyrinə aliment tutulmasına qərar verə bilər".

Röyalə Xəyal

Telegramda izləyin