600-dən yüksək bal toplayan bacılar müəllimliyi seçdi

Azərbaycan Dövlət Pedaqoji Universiteti (ADPU) qəbul imtahanlarında yüksək nəticə göstərən gənclərin seçim zamanı üstünlük verdiyi təhsil ocağına çevrilməkdə devam edir. Bunun bariz nümunələrindən biri də fərqli illərdə qəbul imtahanlarında yüksək nəticə göstərərək eyni ixtisası seçən Nəcəfzadə bacılarının uğur hekayəsidir.

Fatimə Nəcəfzadə 2024-cü ildə keçirilən tələbə qəbulu imtahanlarında 663,9 bal toplayaraq ADPU-nun Riyaziyyat və informatika müəllimliyi ixtisasına qəbul olub. İki il sonra onun bacısı Zəhra Nəcəfzadə də böyük uğura imza ataraq 604 bal nəticə göstərib və bacısı kimi ADPU-nun eyni ixtisasını seçib.

Hər iki bacının ali təhsil seçimində ortaq məkan kimi Azərbaycan Dövlət Pedaqoji Universitetini üstün tutması ali təhsil müəssisəsində pedaqoji kadr hazırlığına olan yüksək inamın və yüksək nəticə göstərən abituriyentlərin pedaqoji təhsilə üstünlük verməsinin göstəricisidir.

Bacılar gələcəkdə peşəkar pedaqoq kimi fəaliyyət göstərərək Azərbaycan təhsilinin inkişafına töhfə verməyi hədəfləyirlər.//AzEdu.az

Telegramda izləyin