Bakı ilk onluqda: Riyazi savadlılıq üzrə nəticələr AÇIQLANDI

"Bakı riyazi savadlılıq üzrə nəticələrdə bütün qiymətləndirmə dövrləri üzrə ən yüksək irəliləyiş göstərən 10 ölkə və region arasında yer alıb. Paytaxtın nəticəsi 2022-2025-ci illər ərzində 63 bal artıb".

Oxu.Az xəbər verir ki, bu nəticələr PISA 2025 - Şagird Qiymətləndirilməsi üzrə Beynəlxalq Proqramın nəticələrinin təqdimatına həsr olunmuş tədbirdə açıqlanıb.

Məlumata görə, bütün qiymətləndirmə dövrləri üzrə riyazi savadlılıq nəticələrində ən yüksək irəliləyiş göstərən 10 ölkə və region arasında Argentina, Albaniya, Bakı (Azərbaycan), Pekin-Şanxay-Tiencin-Çongçing (Çin), Qətər, Türkiyə, Kamboca, Qazaxıstan, Gürcüstan və İordaniya yer alıb.

Bakı (Azərbaycan) üzrə riyazi savadlılıq nəticəsi 2022-ci ildə 397 bal olduğu halda, 2025-ci ildə 460 bala yüksəlib. Beləliklə, paytaxt üzrə göstərici 63 bal artıb.

Siyahıda ən yüksək artım Argentina üzrə qeydə alınıb. Ölkənin nəticəsi 388 baldan 456 bala yüksələrək 68 bal artıb. Albaniyada artım 65 bal, P-Ş-T-Ç (Çin) üzrə 60 bal, Qətərdə 50 bal, Türkiyədə 34 bal, Kambocada 30 bal, Qazaxıstan, Gürcüstan və İordaniyada isə 27 bal təşkil edib.

Telegramda izləyin