İsrail Britaniyaya qarşı sanksiyalar elan etdi

İsrailin xarici işlər naziri Gideon Saar bildirib ki, Londonun Qərb Şəriyədəki yəhudi yaşayış məntəqələrinə sanksiyalar tətbiq etmək qərarına cavab olaraq İsrail Qüdsdəki Britaniya konsulluğunu bağlayacaq.

Sonxeber.az xəbər verir ki, Britaniyanın xarici işlər naziri Ed Miliband beynəlxalq hüquqa görə qanunsuz hesab edilən Qərb Şəriyədəki yəhudi yaşayış məntəqələri ilə ticarətin qadağan olunduğunu elan etdi. O, Londonun bu yaşayış məntəqələrində fəaliyyət göstərən şirkətlərə qarşı tədbir görəcəyini və onlarla əlaqəli hər hansı məhsul və ya xidmətin reklamını qadağan edəcəyini vurğuladı. Eyni zamanda, Milibandın sözlərinə görə, İsrailin özü ilə, onun qanuni sərhədləri daxilində ticarət məhdudlaşdırılmayacaq.

Saarın sözlərinə görə, Britaniya Leyboristlər Partiyası hökumətinin tətbiq etdiyi məhdudiyyətlər, qərəzli və birtərəfli İsrail əleyhinə ritorika ilə yanaşı, Britaniya yəhudilərinə qarşı antisemit hücumların görünməmiş dərəcədə artmasına əhəmiyyətli dərəcədə töhfə verib. Nazir həmçinin qeyd edib ki, Londonun bu addımları oktyabrın sonlarında keçiriləcək İsrail seçkilərinə müdaxilə edir.

Telegramda izləyin