Qəzadan sonra sürücü qaçdı, sərnişin isə onu tanımadığını dedi - VİDEO

Türkiyənin Eskişehir şəhərində avtomobillə yüngül kommersiya avtomobilinin toqquşduğu qəza təhlükəsizlik kamerasına düşüb. Qəzadan sonra kommersiya avtomobilinin sürücüsü hadisə yerindən qaçıb.

Sonxeber.az xarici mediaya istinadla xəbər verir ki, hadisə şəhərin işlək ərazilərindən birindəki yolayrıcında baş verib. İki avtomobilin toqquşması nəticəsində nəqliyyat vasitələrinə ziyan dəysə də, xoşbəxtlikdən xəsarət alan olmayıb.

Hadisə yerinə polis və təcili tibbi yardım əməkdaşları gəlib. Bu zaman kommersiya avtomobilində sərnişin kimi olan qadın polisin suallarına verdiyi cavabla diqqət çəkib. O, qaçan sürücünü tanımadığını və avtomobilə yolda avtostopla mindiyini bildirib.

Qadının ifadəsindən şübhələnən polis avtomobildə və ərazidə araşdırma aparıb, həmçinin təhlükəsizlik kamerası görüntülərini incələyib.

Polis hadisə yerindən qaçan sürücünün kimliyini müəyyənləşdirmək və onu tapmaq üçün araşdırmanı davam etdirir.

Telegramda izləyin