Atatürkə bənzərliyi ilə tanınan şəxs pul qarşılığında toylara qatılır - VİDEO

Türkiyənin Ulu Öndəri Mustafa Kamal Atatürkə fiziki bənzərliyi ilə tanınan bir şəxsin pul qarşılığında toylara qatılması sosial mediada müzakirələrə səbəb olub.

Sonxeber.az xarici mediaya istinadla xəbər verir ki, onun hər bir toy mərasiminə qatılmaq üçün 30 min TL aldığı iddia edilir.

Atatürkü xatırladan geyimi və fiziki görünüşü ilə diqqət çəkən şəxs dəvət olunduğu toy mərasimlərində qonaqların böyük marağı ilə qarşılaşır. Onun qatıldığı son toylardan birində də dəvətlilər ətrafına toplaşaraq telefonları ilə görüntülərini çəkiblər.

Görüntülərin sosial şəbəkələrdə yayılmasından sonra isə şəxsə qarşı tənqidlər səsləndirilib. Bəzi istifadəçilər Atatürkə olan fiziki bənzərliyin maddi qazanc məqsədilə istifadə edilməsini düzgün hesab etməyib.

Sosial şəbəkələrdə yayılan paylaşımlarda "Atatürk sevgisindən sui-istifadə edirlər" kimi fikirlər səsləndirilib.

Hadisə Atatürkə bənzərliyin kommersiya məqsədilə istifadə edilməsinin nə dərəcədə doğru olduğu barədə sosial mediada geniş müzakirəyə səbəb olub.

Telegramda izləyin