Qafqaz Albaniyasına məxsus irsi tanıtmaq Azərbaycanın haqqıdır - AÇIQLAMA

"Bu gün Qarabağda Qafqaz Albaniyasına məxsus alban-xristian kilsələri ictimaiyyətə təqdim olunur. Hesab edirəm ki, bunun Azərbaycanın maddi-mədəni irsinə aid olması həm ictimaiyyətə, həm də ermənilərə bəllidir. Bu irsi tanıtmaq Azərbaycanın haqqıdır".

Bunu Sonxeber.az-a açıqlamasında politoloq Samir Hümbətov bildirib.

O, bildirib ki, işğal dövründə uzun illər ərzində ermənilər bu abidələri öz adlarına çıxmağa çalışıb, onları qondarma "Artsax"ın əsas dini simvolları səviyyəsinə gətirməyə cəhd göstəriblər:

"Bu baxımdan, onların hərəkətləri təxribat xarakterli olub. Əslində, məsələ yalnız Ermənistan-Azərbaycan arasında informasiya müharibəsi kimi qiymətləndirilməməlidir. Bu, eyni zamanda tarixi ədalətin təmin olunması məsələsidir. Ona görə də Qafqaz Albaniyasına məxsus olan və Qarabağda, eləcə də digər ərazilərdə yerləşən tarixi abidələrin Azərbaycanın maddi-mədəni irsinə və mədəni irsinə aid olması tanıdılmalıdır. Bu irsin təqdim edilməsi təkcə Ermənistanla informasiya mübarizəsi baxımından deyil, ümumilikdə Azərbaycanın tarixi və mədəni irsinin beynəlxalq səviyyədə tanıdılması baxımından da mühüm əhəmiyyət kəsb edir".

Röyalə Xəyal

Telegramda izləyin