Bu ölkə Fransanın məşhur telekanalının yayımını dayandırdı
Qvineya Fransa dövlət telekanalı olan "France 24"ün ölkə ərazisində yayımına tamamilə qadağa qoyub. Qərbi Afrika ölkəsinin rəhbərliyi kanalı tabesizlikdə və Prezident Mamadi Dumbuyanın ünvanına təhqiramiz hesab edilən ifadələr işlətməkdə təqsirləndirib.
Oxu.Az xəbər verir ki, bu barədə məlumatı Dubay mərkəzli "Big News Network" agentliyi yayıb.
Qvineyanın Kommunikasiya üzrə Ali Şurası telekanalın yayım lisenziyasını, eləcə də onun müxbirlərinin, xüsusi nümayəndələrinin və digər işçilərinin akkreditasiyalarını ləğv edib. Məhdudiyyət kabel və peyk televiziyalarını, mobil tətbiqləri, veb-saytları və sosial şəbəkələri əhatə edir. "Canal+ Guinea" şirkətinə isə bu kanalı öz paketlərindən çıxarmaq tapşırılıb.
"Bununla da Poçt və Telekommunikasiya Fəaliyyətinin Tənzimlənməsi İdarəsinə dərhal "France 24" kanalına aparan bütün rəqəmsal giriş nöqtələrinin texniki bloklanmasına başlamaq göstərişi verilir", - deyə bəyanatda qeyd olunub.
Qeyd edək ki, bu qərar ötən çərşənbə axşamı "France 24" aparıcısının Dumbuyanı "qiyamçı lider" adlandırmasından sonra verilib. Növbəti gün şura bunun Qvineya prezidentinin ləyaqətini alçaldan hal olduğunu vurğulayaraq, telekanaldan həmin ifadəni silməyi və təkzib verməyi tələb edib.
Tənzimləyici qurum bildirib ki, "France 24" tərəfindən bu tələbin yerinə yetirilməməsi onun nüfuzuna açıq meydan oxumaq, dövlət başçısının davamlı təhqir olunması və Qvineyanın hüquqi suverenliyinin kobud şəkildə pozulması deməkdir.
Şura, həmçinin obyektivliyin və balansın olmamasını, eləcə də peşə etikasının ciddi şəkildə pozulmasını əsas gətirərək, "Jeune Afrique" jurnalının qvineyalı müxbiri Mamadu Diavo Barrini də akkreditasiyadan məhrum edib.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Sabaha leysan gözlənilir - XƏBƏRDARLIQ
Qətlə yetirilən Gülarənin atası danışdı - "Ayxan 2 ay idi gecələr yatmırdı"
Qadın qətllərinə qarşı ən sərt cəzalar: Azərbaycan İstanbul Konvensiyasına qoşula bilərmi? - VƏKİLDƏN AÇIQLAMA
Kiberdələduzluqda bir başqa yol...
Xarici vətəndaşlıq hərbi xidmətdən azad etmir - VACİB AÇIQLAMA
Elton qızına toy edir
Vətəndaşlara aşağı faizli kredit imkanı: Hansı şərtlər tələb olunur?
Prezident İlham Əliyev Vyetnama rəsmi səfərə gedib - Foto/Video
Kupçasız ev alanlar pullarını və əmlakı itirə bilər? - EKSPERTDƏN XƏBƏRDARLIQ
Nikahdan əvvəl alınan ev boşanma zamanı bölünə bilərmi? - Qanun nə deyir? - ƏMLAK EKSPERTİNDƏN AÇIQLAMA
Sənət adamlarından Könül Xasıyevanı pubda oxumasına reaksiya: "Mənim yaşıma uyğun deyil"
Vəkil Orxan Kəngərli həbs edildi
Azərbaycan-Vyetnam münasibətlərində yeni mərhələ: Əməkdaşlıq hansı istiqamətlərdə genişlənəcək?
Yaşıl çay alarkən bunlara diqqət edin - Keyfiyyətsiz məhsulu necə tanımaq olar? - QİDA EKSPERTİNDƏN AÇIQLAMA
Reuters: "Tayvan Çini seçkilərə müdaxilə etmək üçün minlərlə sosial media hesabından istifadə etməkdə ittiham edir"