Payızda oynaq ağrıları niyə artır? - Həkimdən vacib xəbərdarlıq

Payızda oynaq ağrıları niyə artır? - Həkimdən vacib xəbərdarlıqHavaların soyuması və temperaturun tez-tez dəyişməsi bəzi insanlarda oynaq ağrılarının daha qabarıq hiss olunmasına səbəb ola bilər. Xüsusilə artrit, artroz və digər dayaq-hərəkət sistemi problemləri olan şəxslər payız aylarında ağrı, sərtlik və hərəkət məhdudiyyətindən daha çox şikayət edə bilərlər.

Bəs hava dəyişiklikləri oynaq xəstəliklərini həqiqətən aktivləşdirirmi? Payız aylarında oynaq problemi yaşayan insanlar nələrə diqqət etməlidirlər və hansı hallarda Həkimə müraciət etmək vacibdir?

Terapevt Nərminə Abbasova Qaynarinfo-ya açıqlamasında bildirib ki, xroniki oynaq xəstəlikləri olan bəzi pasiyentlərdə havaların soyuması ilə şikayətlər arta bilər:

"Bu, bütün insanlarda eyni şəkildə baş vermir. Lakin xroniki xəstəliyi olan şəxslərdə soyuq havaların başlaması ilə şikayətlərin, o cümlədən oynaq ağrılarının və hərəkət məhdudiyyətinin artması müşahidə oluna bilər. Belə hallarda diz, boyun, onurğa, əl, bilək və çiyin nahiyələrində ağrılar daha çox hiss edilə bilər.

Bunun səbəbi yalnız hava dəyişiklikləri deyil. Orqanizmdə mövcud olan iltihabi proseslər də simptomların artmasına təsir göstərə bilər. Eyni zamanda, hər hansı infeksion və ya virus xəstəliyinin keçirilməsi də bəzi insanlarda oynaq şikayətlərinin artmasına səbəb ola bilər. Hətta infeksiya yüngül keçsə belə, sonrakı dövrdə oynaq ağrıları və digər əlamətlər müşahidə oluna bilər".

Həkim qeyd edib ki, hər oynaq ağrısını revmatizm və ya revmatoid artrit kimi qiymətləndirmək düzgün deyil:

"Oynaq xəstəlikləri müxtəlif nahiyələrdə və fərqli əlamətlərlə özünü göstərə bilər. Bəzi sistem xəstəlikləri də ilk olaraq oynaq ağrısı ilə üzə çıxa bilər. Yaş artdıqca, xüsusilə diz oynaqlarında degenerativ dəyişikliklər meydana gələ bilər. Bu zaman oynaq strukturlarında dəyişikliklər ağrı, sərtlik və hərəkət məhdudiyyəti yarada bilər".

Nərminə Abbasovanın sözlərinə görə, oynaq şikayətləri artan şəxslər özbaşına müalicəyə başlamamalıdır:

"Bu, xəstəliyin ilkin əlaməti də ola bilər, xroniki xəstəliyi olan şəxslərdə əvvəlki infeksiyaların və digər xəstəliklərin təsiri ilə şikayətlərin kəskinləşməsi də mümkündür. Ona görə də özbaşına və yanlış müalicə aparmaq əvəzinə həkim müayinəsindən keçmək lazımdır. Zərurət olduqda qan analizləri və digər müayinələr aparılmalıdır.

Xüsusilə ağrı güclüdürsə, oynaqda şişkinlik, qızartı, hərəkət məhdudiyyəti və ya digər əlavə əlamətlər varsa, səbəb mütləq araşdırılmalıdır. Müalicə zamanı yalnız ağrıyan oynağa yerli müdaxilə etmək kifayət deyil. Əsas səbəb müəyyənləşdirilməli və xəstəyə kompleks yanaşılmalıdır".

Terapevt bildirib ki, vaxtında müayinə və müalicə xəstəliyin daha da ağırlaşmasının qarşısını almağa kömək edə bilər:

"Qış aylarında bəzi oynaq xəstəlikləri uzun müddət aktiv qala bilər. Vaxtında müalicə aparılarsa, kəskinləşmələrin qarşısını müəyyən qədər almaq mümkündür. Oynaq xəstəliyi olan şəxslərin yaz və payız aylarında, hətta ciddi şikayətləri olmasa belə, həkim müayinəsindən keçməsi faydalıdır. Xəstəlik kəskinləşdikdən sonra müalicə prosesi daha çətin ola bilər.

Profilaktik yanaşma isə problemin erkən mərhələdə aşkarlanmasına və müalicənin daha effektiv planlaşdırılmasına imkan verir".

Nərminə Abbasova uşaqlarda infeksiyalardan sonra yaranan oynaq ağrılarına xüsusi diqqət yetirilməsinin vacibliyini vurğulayıb:

"Angina, virus və digər infeksion xəstəliklər, burun-boğaz və yuxarı tənəffüs yollarının infeksiyaları bəzi hallarda sonradan oynaq şikayətləri ilə müşayiət oluna bilər. Buna görə də belə xəstəliklərin vaxtında müalicəsi və uşağın vəziyyətinin izlənilməsi vacibdir.

Uşaqda infeksiyadan sonra oynaq ağrısı, şişkinlik, hərəkət məhdudiyyəti və ya ümumi vəziyyətində dəyişiklik müşahidə olunarsa, bunu diqqətdən kənarda saxlamaq olmaz".

Həkim uşaqların mütəmadi tibbi müayinədən keçirilməsinin vacibliyini də qeyd edib:

"Uşaqların vaxtaşırı tibbi müayinədən keçirilməsi bəzi xəstəliklərin erkən aşkarlanmasına kömək edə bilər. Zərurət yarandıqda həkim ümumi qan analizi və digər müayinələr təyin edə bilər. Lakin hər bir uşağa rutin şəkildə xüsusi analizlərin, o cümlədən revmatoloji testlərin aparılması barədə qərar fərdi klinik vəziyyətə əsasən verilməlidir.

Valideynlər xüsusilə infeksion xəstəliklərdən sonra yaranan oynaq ağrılarını və digər qeyri-adi əlamətləri diqqətdən kənarda saxlamamalıdırlar".


Sonxeber.az
Telegramda izləyin
Sağlamlıq   Baxılıb: 478   Tarix: 21 sentyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Görmə itkisinə aparan xəstəliklər hansılardır? - Video

"Baku Med" verilişinin budəfəki buraxılışında göz xəstəlikləri və onların müalicəsi müzakirə olunub. Ən çox rast gəlinən göz xəstəlikləri hansılardır?. Katarakt əməliyyatı hansı hallarda zərurətə çevrilir və müalicədən sonra bu xəstəliyin təkrarlanma riski varmı?. Gənc yaşda katarakt aşkarlanarsa

15 noyabr
.

Kişilərdə bu əlamət varsa, xərçəngdən yoxlansın

Qanda anemiya və hemoqlobin səviyyəsinin düşməsi xərçəng müayinəsindən keçməyi tələb edir, xüsusən kişilər diqqətli olmalıdır. -a istinadən xəbər verir ki, cərrah İldus Muxametovun sözlərinə görə, kolorektal xərçəngin inkişafı anemiyaya səbəb ola bilər. O qeyd edib ki, bağırsaq xərçəngi, xüsusilə 4

31 oktyabr
.

6 həftə şəkərdən imtina edən zaman orqanizmdə baş verənlər... - Alimlər açıqlayır

Şəkər gündəlik qidalanmamızda düşündüyümüzdən daha böyük yer tutur. O, təkcə şirniyyatlarda deyil, çörəkdə, səhər yeməyi məhsullarında, hazır yeməklərdə və müxtəlif souslarda da mövcuddur. Bəs altı həftə ərzində əlavə şəkər qəbulundan imtina edilsə, orqanizmdə hansı dəyişikliklər baş verər? Enerji səviyyəsi

19 noyabr
.

COVID-dən sonra dadbilmənin niyə bərpa olunmadığı AÇIQLANDI

Bəzi insanlarda COVID-19 infeksiyasından bir ildən çox vaxt keçməsinə baxmayaraq, dadbilmə qabiliyyətinin niyə tam bərpa olunmadığına dair yeni məlumatlar əldə edilib. xarici mediaya istinadən xəbər verir ki, alimlər uzunmüddətli dadbilmə pozğunluğu yaşayan şəxslərin dad reseptorlarını araşdırıblar

25 oktyabr
.

Gecələr ayaqlarda qıcolmaların təhlükəli səbəbləri

Gecə yuxu zamanı ayaq əzələlərində qəfil və ağrılı qıcolmalar bir çox insanda müşahidə olunur. xəbər verir ki, bu hal bəzən sadə səbəblərlə bağlı olsa da, tez-tez təkrarlanması müəyyən sağlamlıq problemlərinin əlaməti ola bilər. Ayaq qıcolmalarına susuz qalmaq, gün ərzində həddindən artıq fiziki yüklənmə

25 oktyabr
.

Su qan təzyiqini azaltmağa kömək edir - Gündəlik norma 6-8 stəkan

Gündəlik kifayət qədər su qəbul etmək arterial təzyiqin nəzarətdə saxlanmasına kömək edə bilər. Qaynarinfo xəbər verir ki, "Verywell Health" nəşrinin məlumatına görə, ekspertlər sağlam arterial təzyiq səviyyəsini qorumaq üçün nə qədər su içmək lazım olduğunu və hansı hallarda maye qəbulun

26 oktyabr
.

Fizioterapiya, reabilitasiya nə vaxt təhlükəlidir? - Video

"Baku Med" verilişinin budəfəki buraxılışında fəqərələrarası disk yırtığı, artroz və üz sinirinin iflici mövzuları müzakirə olunub. Fəqərələrarası disk yırtığı hansı hallarda əməliyyat tələb edir?. Disk yırtığı ağrısız inkişaf edə bilərmi?. Artrozun müalicəsində fizioterapiyanın rolu nədir?

7 noyabr
.

100 yaşına qədər yaşamaq istəyənlər üçün 7 faydalı QİDA

Uzunömürlü olmaq istəyənlər gündəlik qidalanmalarına xüsusi diqqət yetirməlidirlər. Mütəxəssislər bəzi qidaların ürək-damar sisteminin, beynin və həzm orqanlarının sağlamlığının qorunmasında mühüm rol oynadığını bildirirlər. xarici mətbuata istinadən xəbər verir ki, həkim Darşan Şah 100 yaşına qədə

27 oktyabr
.

İmmuniteti gücləndirməyin ən asan yolu - Həkim bu meyvəni xüsusi tövsiyə etdi

İmmuniteti gücləndirmək üçün mövsümi meyvə və giləmeyvələrdən istifadə etmək tövsiyə olunur. Bu barədə tibb elmləri doktoru, immunoloq Vladislav Jemçuqov " "ya açıqlamasında danışıb. Həkimin sözlərinə görə, immunitetin möhkəmləndirilməsinə qışda deyil, yay aylarından başlamaq daha məqsədəuyğundur

8 noyabr