Bu ölkədə ad günü məclisində baş verən atışmada 11 nəfər yaralanıb

Corciya ştatında parkda baş verən kütləvi atışma nəticəsində 17 və 18 yaşlarında on bir nəfər yaralanıb.

Sonxeber.az xəbər verir ki, bu barədə CBS News hüquq-mühafizə orqanlarının əməkdaşlarına istinadən məlumat verib.

Nəşr bildirir ki, "Ad günü məclisi iştirakçıları parkda toplaşdıqdan sonra başqa bir qrup gəldi və iki qrup arasında mübahisə atışmaya çevrildi".

Bibb Şəhər Şerif Ofisi yaralılar arasında altı 18 yaşlı, dörd oğlan və iki qız, eləcə də beş 17 yaşlı yeniyetmənin olduğunu bildirib. Yaralılardan ikisinin vəziyyəti ağırdır. Digər yaralıların vəziyyəti isə stabildir.

Telegramda izləyin