Qalib xalqın övladı olmaq, gənclər üçün qürurvericidir - ŞƏRH
"Uzun illər boyu Azərbaycan torpaqları işğal altında idi. Mənim ilkin gəncliyim dövründə həmin torpaqlar işğal edilmişdi və biz daim bunun əziyyətini yaşayırdıq. Xüsusilə beynəlxalq qurumlarda, təşkilatlarda və platformalarda fəal iştirak edən biri kimi tez-tez ermənilərlə üz-üzə gəlirdim. Onlar bizə qalib ədası ilə yanaşır, çıxışlarında Azərbaycanı hədəfə almağa çalışırdılar. Biz isə cavabımızı verir, özümüzü sındırmır və bir gün torpaqlarımızı işğaldan azad edəcəyimizə inandığımızı bildirirdik. Buna baxmayaraq, daxilimizdə həmişə bir sıxıntı var idi".
Bunu Sonxeber.az-a açıqlamasında siyasi şərhçi Azər Həsrət deyib.
O, bildirib ki, 44 günlük Vətən müharibəsində gənclərimizin heç nəyə baxmadan canlarını fəda edərək torpaqlarımızı işğaldan azad etməsi həm gənc, həm də əvvəlki nəsil üçün həmin sıxıntıların sonu demək oldu:
"Əvvəllər məğlub, torpaqlarını işğaldan azad edə bilməyən xalq idik, indi isə qalib xalqıq. Qalib xalqın övladı olmaq, əlbəttə ki, gənclər üçün qürurvericidir. Azərbaycan gəncləri bunun dəyərini bilməlidir. Bəzən yeni nəsil arasında Azərbaycanın əleyhinə mövqedən çıxış edən və ya bu qələbəni heçə saymağa çalışan gənclər də görürük. Lakin Azərbaycana kənardan baxanda nə qədər böyük və möhtəşəm bir qələbə qazandığımızı daha aydın hiss etmək mümkündür. Şəxsən mən xaricdən Azərbaycana baxmaq imkanı olan biri kimi bunu deyirəm".
Ekspert bildirib ki, bəzən insan dağın ətəyində dayanarkən onun zirvəsini və ucalığını tam hiss edə bilmir:
"Dağın yüksəkliyini görmək üçün uzaqlaşmaq lazım gəlir. Azərbaycanın durumu da belədir. Azərbaycanın gerçək qiymətini verə bilmək üçün ona uzaqdan baxmaq lazımdır. Uzaqdan baxanda çox möhtəşəm bir Azərbaycan görünür. 44 günlük Vətən müharibəsindəki qələbə və ümumiyyətlə, xalq olaraq nümayiş etdirdiyimiz əzm yeni nəsil üçün ruhlandırıcı amildir. Bu amildən vətənpərvərliyin və milli şüurun möhkəmləndirilməsi istiqamətində istifadə edilməlidir. Gənclərimiz düşünməməlidir ki, bu, sadəcə bir mərhələ idi və artıq başa çatıb. Biz torpaqlarımızı azad etmiş, suverenliyimizi tam bərpa etmişik, amma bu, bütün problemlərin sona çatdığı anlamına gəlmir. Bizə qarşı olan qüvvələr hərəkət ediblər, edirlər və gələcəkdə də hərəkət edə bilərlər. Buna görə də milli-vətənpərvər şüurumuzu səfərbər edərək belə hücumlar qarşısında dayanmağı bacarmalıyıq".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Sabaha leysan gözlənilir - XƏBƏRDARLIQ
Qətlə yetirilən Gülarənin atası danışdı - "Ayxan 2 ay idi gecələr yatmırdı"
Qadın qətllərinə qarşı ən sərt cəzalar: Azərbaycan İstanbul Konvensiyasına qoşula bilərmi? - VƏKİLDƏN AÇIQLAMA
Kiberdələduzluqda bir başqa yol...
Xarici vətəndaşlıq hərbi xidmətdən azad etmir - VACİB AÇIQLAMA
Elton qızına toy edir
Vətəndaşlara aşağı faizli kredit imkanı: Hansı şərtlər tələb olunur?
Prezident İlham Əliyev Vyetnama rəsmi səfərə gedib - Foto/Video
Kupçasız ev alanlar pullarını və əmlakı itirə bilər? - EKSPERTDƏN XƏBƏRDARLIQ
Nikahdan əvvəl alınan ev boşanma zamanı bölünə bilərmi? - Qanun nə deyir? - ƏMLAK EKSPERTİNDƏN AÇIQLAMA
Sənət adamlarından Könül Xasıyevanı pubda oxumasına reaksiya: "Mənim yaşıma uyğun deyil"
Vəkil Orxan Kəngərli həbs edildi
Azərbaycan-Vyetnam münasibətlərində yeni mərhələ: Əməkdaşlıq hansı istiqamətlərdə genişlənəcək?
Yaşıl çay alarkən bunlara diqqət edin - Keyfiyyətsiz məhsulu necə tanımaq olar? - QİDA EKSPERTİNDƏN AÇIQLAMA
Reuters: "Tayvan Çini seçkilərə müdaxilə etmək üçün minlərlə sosial media hesabından istifadə etməkdə ittiham edir"