44 günlük müharibənin gələcək nəsillər üçün unudulmasına imkan vermək olmaz - ŞƏRH
"44 günlük müharibədə qələbə, sözsüz ki, Azərbaycanda böyüməkdə olan nəslin böyük mənəvi tərbiyə mənbəyidir. Bu, yeni nəslin yetişdirilməsi prosesində mühüm nümunə ola bilər. Onun təşviq və ilham mənbəyinə çevrilməsi üçün dövlətdən başlayaraq hər bir vətəndaşa qədər hər kəs bu istiqamətdə iş görməlidir ki, 44 günlük zəfər Azərbaycanda yeni nəslin tərbiyəsində mühüm və təsirli motivasiya və təşviq mənbəyinə çevrilsin".
Bunu Sonxeber.az-a açıqlamasında siyasi şərhçi Aydın Quliyev bildirib.
O, bildirib ki, gənc nəsil vətən üçün döyüşməyin və lazım gəldikdə vətən uğrunda canından keçməyin nümunəsini məhz 44 günlük Vətən müharibəsindən götürür:
"Bu hadisə gənc nəslin yaddaşında həm tarixi hadisə kimi yaşayır, həm də kitablar, dövri mətbuat və digər mənbələrdə onun haqqında yazılanların təsiri altında gənclər formalaşır. Əlbəttə, gözləmək olmaz ki, baş vermiş 44 günlük müharibə öz-özlüyündə cəmiyyətimizi və gənclərimizi tərbiyə edəcək. Hər bir mütərəqqi proses səmərəli və ağıllı idarəçiliyə ehtiyac duyur. 44 günlük müharibənin nümunə kimi gənc nəslin formalaşmasına təsirini də mütərəqqi proses kimi qəbul etməli və bu prosesi dövlət və ictimai institutlar səviyyəsində idarə etməyə çalışmalıyıq. Əgər 44 günlük müharibə nümunələrinin gənc nəslin formalaşmasına təsiri idarə olunan proses kimi həyata keçirilməsə, lazımi effekti tam şəkildə əldə etmək mümkün olmayacaq. Xüsusilə 44 günlük müharibənin təbliğat, təşviqat və mənəvi nümunə kimi təsirinin cəmiyyət üçün unudulmasına imkan vermək olmaz. Eyni zamanda, bu qələbənin gənc nəslin nəzərində adiləşməsinə də yol verilməməlidir. Necə ki, həmin hadisə baş verərək Azərbaycan dövlətinin taleyinə təsir göstərdi, eyni şəkildə onun gənc nəslin formalaşmasına da uzunmüddətli təsir göstərən amilə çevrilməsinə nail olmalıyıq".
Ekspert bildirib ki, 44 günlük müharibənin cəmiyyətimiz, indiki və gələcək nəsillər üçün adiləşməsinə və unudulmasına heç bir halda imkan vermək olmaz:
"Həmçinin uğrunda insanların həlak olduğu vətən, cəmiyyət və millət idealının sönməsinə yol vermək olmaz. Gənc nəslin bu hadisədən və tarixdən lazımi nümunəni götürməsi üçün onun problemlərinə də cəmiyyətdə daim diqqət və qayğı göstərilməlidir. Əgər böyüməkdə olan nəsil nümunəni və formalaşmaq üçün təlimi 44 günlük müharibədən alırsa, onun bugünkü cəmiyyətdə formalaşması üçün zəruri şəraiti də yaratmalıyıq. Bunu təmin edə bilməsək, gənc nəsil tam şəkildə formalaşmaya bilər".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Sabaha leysan gözlənilir - XƏBƏRDARLIQ
Qətlə yetirilən Gülarənin atası danışdı - "Ayxan 2 ay idi gecələr yatmırdı"
Qadın qətllərinə qarşı ən sərt cəzalar: Azərbaycan İstanbul Konvensiyasına qoşula bilərmi? - VƏKİLDƏN AÇIQLAMA
Kiberdələduzluqda bir başqa yol...
Xarici vətəndaşlıq hərbi xidmətdən azad etmir - VACİB AÇIQLAMA
Elton qızına toy edir
Vətəndaşlara aşağı faizli kredit imkanı: Hansı şərtlər tələb olunur?
Prezident İlham Əliyev Vyetnama rəsmi səfərə gedib - Foto/Video
Kupçasız ev alanlar pullarını və əmlakı itirə bilər? - EKSPERTDƏN XƏBƏRDARLIQ
Nikahdan əvvəl alınan ev boşanma zamanı bölünə bilərmi? - Qanun nə deyir? - ƏMLAK EKSPERTİNDƏN AÇIQLAMA
Sənət adamlarından Könül Xasıyevanı pubda oxumasına reaksiya: "Mənim yaşıma uyğun deyil"
Vəkil Orxan Kəngərli həbs edildi
Azərbaycan-Vyetnam münasibətlərində yeni mərhələ: Əməkdaşlıq hansı istiqamətlərdə genişlənəcək?
Yaşıl çay alarkən bunlara diqqət edin - Keyfiyyətsiz məhsulu necə tanımaq olar? - QİDA EKSPERTİNDƏN AÇIQLAMA
Reuters: "Tayvan Çini seçkilərə müdaxilə etmək üçün minlərlə sosial media hesabından istifadə etməkdə ittiham edir"