Hindistanda evə soxulan bəbir altı nəfəri yaraladı

Hindistanın Çhattisqarh əyalətinin Mahasamund rayonunda bir kənd evinə girən bəbir altı nəfəri yaralayıb.

Sonxeber.az xəbər verir ki, bu barədə yerli "Times of India" qəzeti məlumat yayıb.

Nəşr bildirib ki, "Şənbə axşamı bəbir Mahasamund ərazisindəki bir evə girib və ailənin altı üzvünə hücum edib".

Ailə üzvləri heyvanı otaqlardan birində kilidləməyi bacarıblar. Hadisə yerinə gələn polis, meşə təsərrüfatı işçiləri və xilasedicilər bəbiri yuxuya verib və evdən çıxarıblar.

Qəzet qeyd edir ki, yaralıların hamısı xəstəxanaya yerləşdirilib, onlardan üçü ağır yaralanıb.

Media orqanının məlumatına görə, hadisədən bir gün əvvəl yaxınlıqdakı meşədə bir kişiyə də bəbir hücum edib. Onun eyni heyvan olub-olmadığı hələlik məlum deyil.

Telegramda izləyin