Zəif şagirdlərlə iş nə vaxt başlamalıdır? - Təhsildə erkən müdaxilə niyə vacibdir? - TƏHSİL EKSPERTİNDƏN AÇIQLAMA
Sentyabrın 11-də keçirilən 2026-2027-ci tədris ili üzrə təhsil işçilərinin konfransında şagirdlərin nəticələri və xüsusilə zəif nəticə göstərən uşaqlarla iş məsələsi diqqət mərkəzində olub. Təhsil İnstitutunun təqdimatında ibtidai siniflərdə oxu və riyazi bacarıqlar üzrə müsbət dinamikanın olduğu, baza həddinin altında nəticə göstərən şagirdlərin payının azaldığı bildirilib. Belə ki, ibtidai siniflərdə oxu üzrə baza səviyyəsindən aşağı nəticə göstərənlərin payı 5 faizə, riyaziyyat üzrə isə 9 faizə düşüb. Eyni zamanda DİM sədri Məleykə Abbaszadə zəif nəticələrin probleminin daha erkən mərhələdə müəyyənləşdirilməsinin vacibliyini vurğulayıb. O bildirib ki, ibtidai siniflərdə yaranan zəif nəticələr sonrakı illərdə, hətta 9-cu sinif buraxılış imtahanlarında da özünü göstərə bilir.
Bu baxımdan zəif şagirdlərin vaxtında müəyyənləşdirilməsi və onların fərdi ehtiyaclarına uyğun dəstək göstərilməsi məsələsi aktuallaşır. Bəs zəif nəticə göstərən şagirdlərlə iş hansı mərhələdən başlamalıdır? Məktəblərdə bu uşaqların erkən müəyyənləşdirilməsi və onlara fərdi yanaşmanın tətbiqi nəticələrin daha da yaxşılaşmasına nə dərəcədə təsir edə bilər?
Mövzu ilə bağlı təhsil eksperti Şəmsi Qoca Sonxeber.az-a açıqlamasında bildirdi ki, baza səviyyəsinə çatmayan şagirdlərin payının azaldılması təhsilin keyfiyyəti baxımından ən vacib məsələlərdən biridir. Onun sözlərinə görə, burada əsas məsələ zəif nəticə göstərən şagirdi son mərhələdə müəyyən edib onunla işləmək deyil, problemin ilkin mərhələdə aşkarlanması və həmin şagird üçün məqsədli dəstək mexanizminin qurulmasıdır: "Çünki ibtidai və əsas təhsil pilləsində yaranan bilik boşluqları vaxtında aradan qaldırılmadıqda, sonrakı illərdə şagirdin həmin boşluqları kompensasiya etməsi daha da çətinləşir. Məncə, bunun üçün müəllim yalnız ümumi sinif nəticəsinə deyil, hər bir şagirdin fərdi inkişaf dinamikasına diqqət yetirməlidir. Şagirdin hansı mövzuda çətinlik çəkdiyi müəyyənləşdirilməli, ona uyğun fərdi və ya kiçik qrup şəklində əlavə iş aparılmalıdır.
Burada valideynlə məktəb arasında əməkdaşlıq da mühüm əhəmiyyət daşıyır. Ən başlıcası isə zəif nəticə göstərən şagirdə "zəif şagird" kimi yanaşmaq yox, onun potensialını üzə çıxarmaq və geridə qalmasının səbəbini aradan qaldırmaq lazımdır. Bu yanaşma sistemli şəkildə tətbiq olunarsa, baza səviyyəsinə çatmayan şagirdlərin sayını əhəmiyyətli dərəcədə azaltmaq mümkündür".
Müəllif: İlkin Məmmədkərimov
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Sabaha leysan gözlənilir - XƏBƏRDARLIQ
Qətlə yetirilən Gülarənin atası danışdı - "Ayxan 2 ay idi gecələr yatmırdı"
Qadın qətllərinə qarşı ən sərt cəzalar: Azərbaycan İstanbul Konvensiyasına qoşula bilərmi? - VƏKİLDƏN AÇIQLAMA
Kiberdələduzluqda bir başqa yol...
Xarici vətəndaşlıq hərbi xidmətdən azad etmir - VACİB AÇIQLAMA
Elton qızına toy edir
Vətəndaşlara aşağı faizli kredit imkanı: Hansı şərtlər tələb olunur?
Prezident İlham Əliyev Vyetnama rəsmi səfərə gedib - Foto/Video
Kupçasız ev alanlar pullarını və əmlakı itirə bilər? - EKSPERTDƏN XƏBƏRDARLIQ
Nikahdan əvvəl alınan ev boşanma zamanı bölünə bilərmi? - Qanun nə deyir? - ƏMLAK EKSPERTİNDƏN AÇIQLAMA
Sənət adamlarından Könül Xasıyevanı pubda oxumasına reaksiya: "Mənim yaşıma uyğun deyil"
Vəkil Orxan Kəngərli həbs edildi
Azərbaycan-Vyetnam münasibətlərində yeni mərhələ: Əməkdaşlıq hansı istiqamətlərdə genişlənəcək?
Yaşıl çay alarkən bunlara diqqət edin - Keyfiyyətsiz məhsulu necə tanımaq olar? - QİDA EKSPERTİNDƏN AÇIQLAMA
Reuters: "Tayvan Çini seçkilərə müdaxilə etmək üçün minlərlə sosial media hesabından istifadə etməkdə ittiham edir"