Litva ABŞ-ın daimi hərbi bazasını qəbul etməyə hazırdır

Litva ABŞ-ın ölkə ərazisində daimi hərbi baza yerləşdirməsinə hazırdır.
Bizimyol.info xəbər verir ki, bu barədə Litvanın müdafiə naziri Robertas Kaunas milli bildirib.

Nazirin sözlərinə görə, Litva ABŞ hərbçilərinin ölkədə yerləşdirilməsi ilə bağlı xərcləri qarşılamağa, müttəfiq qüvvələrin fəaliyyəti üçün zəruri infrastrukturun yaradılmasına investisiya yatırmağa və hərbi təlimlər üçün əlverişli şərait təmin etməyə hazırdır.

Kaunas bu açıqlamanı ABŞ Prezidenti Donald Trampın Litvanın ölkə ərazisində ABŞ hərbi bazasının yaradılması ilə bağlı təklifinin nəzərdən keçiriləcəyi barədə bəyanatını şərh edərkən səsləndirib.

"Biz ABŞ bazasını qəbul etməyə hazırıq", - deyə Litvanın müdafiə naziri bildirib.

O, həmçinin Litvanın müdafiə və təhlükəsizlik sahəsinə yatırılan investisiyalar baxımından NATO ölkələri arasında lider mövqedə olduğunu vurğulayıb.

Qeyd edək ki, 2019-cu ildən ABŞ ordusunun təxminən 1 000 hərbçidən ibarət batalyonu Litvada rotasiya əsasında yerləşdirilib. Batalyonun tərkibində "Abrams" tankları, "Bradley" piyada döyüş maşınları və "Paladin" artilleriya sistemləri olub.

2024-cü ilin noyabrında rotasiyaların fasiləsiz həyata keçirilməsi barədə qərar qəbul edilsə də, 2026-cı ilin iyununda ABŞ batalyonu Litvadan çıxarıb. Vaşinqton bundan sonra ölkədə hərbi mövcudluğunun gələcəyi ilə bağlı açıqlama verməyib.

Telegramda izləyin