ABŞ rəsmisi Trampın Putin və Si Cinpinlə görüşündə Ukraynanı deyil, İranı müzakirə edəcəyini bildirib

ABŞ prezidenti Donald Tramp gələn həftə Çində keçiriləcək üçtərəfli danışıqlarda Çin və Rusiya həmkarları ilə İran müharibəsini müzakirə edəcək, lakin Rusiyanın Ukraynaya qarşı müharibəsi barədə danışacağı gözlənilmir. Bu barədə ABŞ-ın yüksək vəzifəli rəsmisi bildirib.

Sonxeber.az The Times of İsrael-ə istinadən xəbər verir ki, anonimlik şərti ilə danışan ABŞ rəsmisi cümə axşamı Şençjendə keçiriləcək görüşdən əvvəl jurnalistlərə verdiyi zəngdə bildirib ki, "Düşünürəm ki, prezident Si Cinpin və Vladimir Putinlə üçtərəfli görüşdə İran haqqında danışmaq niyyətindədir".

Rəsmi əlavə edir ki, Vaşinqtonun Kiyev və Moskva ilə danışıqlarda "tamamilə fərqli bir yolu" var. "Çin əslində bu yolun bir hissəsi deyil, ona görə də Ukrayna müzakirəsinin orada aparılması uyğun görünmür".

Müəllif: İlkin Məmmədkərimov

Telegramda izləyin