Ölkəmizin beynəlxalq mövqeyini daha da möhkəmləndirən əməkdaşlıq

Ölkəmizin beynəlxalq mövqeyini daha da möhkəmləndirən əməkdaşlıqAzərbaycan ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamənin imzalanması iki ölkə arasındakı münasibətlərin keyfiyyətcə yeni mərhələyə qədəm qoyduğunu nümayiş etdirir. Noyabrın 12-də Dublində imzalanan bu sənəd təkcə diplomatik münasibətlərin inkişafı baxımından deyil, həm də Azərbaycanın beynəlxalq siyasi və iqtisadi mövqelərinin möhkəmləndirilməsi kontekstində mühüm əhəmiyyət daşıyır.
Bəyannamənin ən mühüm siyasi məqamlarından biri Azərbaycanın suverenliyinə, müstəqilliyinə və ərazi bütövlüyünə beynəlxalq hüququn fundamental prinsipləri əsasında hörmətin bir daha təsdiqlənməsidir. Sənəddə Vaşinqton Sülh Zirvəsi Bəyannaməsinə istinad edilməsi və Azərbaycan-Ermənistan münasibətlərinin normallaşdırılması istiqamətində atılan addımların alqışlanması Böyük Britaniyanın Cənubi Qafqazda davamlı sülh və sabitliyin təmin olunmasına verdiyi əhəmiyyəti göstərir. Bu yanaşma Azərbaycanın regionda formalaşdırmağa çalışdığı yeni siyasi və təhlükəsizlik arxitekturasının beynəlxalq tərəfdaşlar tərəfindən dəstəklənməsi baxımından diqqətəlayiqdir.
Sənədin digər mühüm istiqaməti müdafiə və təhlükəsizlik sahəsində əməkdaşlığın genişləndirilməsidir. Tərəflər müdafiə potensialının artırılması, təlimlərin keçirilməsi, müdafiə sənayesi sahəsində imkanların araşdırılması, hüquq-mühafizə orqanları arasında əlaqələrin gücləndirilməsi və sərhəd təhlükəsizliyi istiqamətində əməkdaşlıq barədə razılığa gəliblər. Müasir beynəlxalq münasibətlər sistemində təhlükəsizlik çağırışlarının mürəkkəbləşdiyi bir dövrdə bu əməkdaşlıq Azərbaycanın müdafiə və institusional imkanlarının inkişafına əlavə töhfə verə bilər.
İqtisadi sahədə əməkdaşlığın genişləndirilməsi isə Bəyannamənin strateji əhəmiyyətini daha da artırır. Böyük Britaniya Azərbaycanın uzunmüddətli iqtisadi tərəfdaşlarından biridir. Yeni sənəddə ticarət, investisiya, infrastruktur, xidmətlər, maliyyə bazarları və kiçik və orta sahibkarlığın inkişafı kimi istiqamətlərin xüsusi yer alması münasibətlərin yalnız ənənəvi enerji əməkdaşlığı ilə məhdudlaşmadığını göstərir. Bu, Azərbaycanın iqtisadiyyatın şaxələndirilməsi və qeyri-neft sektorunun inkişafı strategiyası baxımından da mühüm perspektivlər açır.
Xüsusilə Orta Dəhlizin inkişafına verilən dəstək geosiyasi və geoiqtisadi baxımdan diqqət çəkir. Hazırda Avropa ilə Asiya arasında alternativ nəqliyyat və logistika marşrutlarına maraq artır. Azərbaycanın əlverişli coğrafi mövqeyi, inkişaf edən nəqliyyat infrastrukturu və enerji resursları ölkəmizi bu prosesdə mühüm tranzit və bağlantı mərkəzinə çevirir. Böyük Britaniyanın Orta Dəhlizin inkişafını dəstəkləməsi Azərbaycanın beynəlxalq nəqliyyat-logistika sistemində rolunun gücləndirilməsi üçün yeni imkanlar yarada bilər.
Enerji əməkdaşlığı da yeni tərəfdaşlığın əsas sütunlarından biri kimi çıxış edir. Bununla belə, diqqətçəkən məqam əməkdaşlığın ənənəvi enerji sahəsindən bərpaolunan enerji, yaşıl maliyyələşdirmə və aşağıkarbonlu texnologiyalara doğru genişləndirilməsidir. Bu yanaşma Azərbaycanın enerji strategiyasının müasir çağırışlara uyğunlaşdırılması, enerji təhlükəsizliyinin möhkəmləndirilməsi və yaşıl iqtisadiyyata keçidin sürətləndirilməsi baxımından əhəmiyyətlidir.
Bəyannamənin təhsil, elm və innovasiya sahələrini əhatə etməsi də xüsusi qeyd olunmalıdır. Süni intellekt, rəqəmsal idarəetmə, peşə təhsili, elmi tədqiqatlar və texnoloji innovasiyalar üzrə əməkdaşlıq Azərbaycanın insan kapitalının inkişafına xidmət edə bilər. Müasir dünyada dövlətlərin rəqabət qabiliyyəti yalnız təbii resurslarla deyil, həm də bilik, texnologiya və innovasiya potensialı ilə müəyyənləşir. Bu baxımdan, Britaniya universitetləri, tədqiqat institutları və texnoloji şirkətləri ilə əlaqələrin genişləndirilməsi uzunmüddətli perspektivdə mühüm nəticələr verə bilər.
Bəyannamənin mühüm xüsusiyyətlərindən biri də əməkdaşlığın üç əsas istiqamət üzrə illik Strateji Tərəfdaşlıq görüşləri vasitəsilə izlənilməsinin nəzərdə tutulmasıdır. Bu mexanizm sənəddə əksini tapan razılaşmaların praktik nəticələrə çevrilməsi, prioritetlərin müəyyənləşdirilməsi və qarşılıqlı öhdəliklərin icrasına nəzarət baxımından əhəmiyyətlidir.
Çünki strateji tərəfdaşlığın real dəyəri imzalanmış sənədlərin sayında deyil, onların konkret iqtisadi, siyasi, təhlükəsizlik və humanitar nəticələrində özünü göstərir.

Vahid İsmayılov
Tarix üzrə fəlsəfə doktoru


Sonxeber.az
Telegramda izləyin
Siyasət   Baxılıb: 56   Tarix: 16 noyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Azərbaycan XİN səssizliyini pozdu: Rusiyaya etiraz edildi

Azərbaycan Respublikasının Xarici İşlər Nazirliyi Rusiyanın ticarət sahəsində vahid informasiya sisteminin rəsmi internet səhifəsində ( ) Azərbaycan ərazilərində müvəqqəti yerləşən sülhməramlıların təminatı ilə əlaqədar tender elanı ilə bağlı yerləşdirilmiş məlumatda qondarma "Dağlıq Qarabağ Respublikası"

4 sentyabr 2021
.

"Vətəndaş cəmiyyətində nə iqtidar, nə də müxalifət olmur" - AÇIQLAMA

İstiqamət: vətəndaş cəmiyyəti, hüquqi dövlət quruculuğu. "Vətəndaş cəmiyyəti" ifadəsi 18-ci əsrdə yaranıb. "Vətəndaş cəmiyyəti" deyəndə Azərbaycanda tək QHT-lər başa düşülür. Vətəndaş cəmiyyəti həm özəl, həm də dövlət strukturundan kənarda olan, əsas da insan hüquq və azadlıqların

3 sentyabr 2021
.

Əfqanıstanda nələr baş verir? - Əmrullah Saleh şayiələri TƏKZİB ETDİ

Əfqanıstanın keçmiş vitse-prezidenti və Milli Müqavimət Cəbhəsinin liderlərindən olan Əmrullah Saleh, Pəncşir əyaləti və Əfqanıstanı tərk etdiyi barədə iddiaların yalan və düşmən təbliğatı olduğunu deyib. "Taliban" qüvvələrinin Pəncşir əyalətini ələ keçirdikləri barədə iddiaları ilə bağlı "Euronews"

4 sentyabr 2021
.

Paşinyan Azərbaycan kəndlərinin adlarını çəkməsinin səbəbini AÇIQLADI

Ermənistanın baş naziri Nikol Paşinyan Zəngəzurdakı vəziyyəti təsvir etmək üçün Azərbaycan toponimlərindən istifadə etməsindən danışıb. "Bu, sadə bir səbəbdən edildi. Ona görə ki, Ermənistan Respublikasının vətəndaşları bu nöqtələrin ölkəmizin və ya Sovet Ermənistanının ərazisində olmadığını, İrəvanı

15 sentyabr 2021
.

Ermənistanla sülh müqaviləsi hansı tarixdə imzalanacaq? - AÇIQLAMA

"Biz sülh müqaviləsinin hansı şərtlərlə imzalanacağına fikir verməliyik. Ermənistan tərəfi indi yalnız mümkün qədər çox güzəşt əldə etməyə çalışır. Bütün bunlara görə də təxribatların baş verir. Bu sözləri -a açıqlama verən Sosial Tədqiqatlar Mərkəzinin Mətbuat Xidmətinin rəhbəri, beynəlxalq məsələlə

18 sentyabr 2021
.

Yeni "Taliban" hökumətində kimlər olacaq? - ARAŞDIRMA

Avqustun 15-də "Taliban"ın Əfqanıstanda nəzarəti ələ keçirməsindən sonra bütün gözlər yeni hökumətin necə qurulacağına yönəldi. Euronews-a istinadən xəbər verir ki, "Taliban" mənbələrindən əldə edilən məlumata görə, Şeyx əl-Hadis Məvləvi Abdulhakim Sahib Əmir əl-Muminun (Möminləri

4 sentyabr 2021
.

"Onlar sülhməramlı deyil, "erməniməramlı"dır" - Deputatdan SƏRT AÇIQLAMA

Xəbər verdiyimiz kimi, ötən gün Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev BBC-yə müsahibəsində bildirib ki, Qarabağda Rusiya sülhməramlılarının mandatı ilə bağlı əlavə hüquqi mexanizmlər məsələsi barədə tərəflər arasınd

6 sentyabr 2021
.

"Biz Ararat Mirzoyanın arzusunu ürəyində qoymayacağıq" - Deputatdan AÇIQLAMA

Xəbər verdiyimiz kimi, ötən gün Ermənistanın yeni təyin olunan XİN rəhbəri Ararat Mirzoyanın, Sergey Lavrovla görüşü zamanı "Qarabağın statusu" ilə bağlı qərar verilməyənə qədər Azərbaycan tərəfi ilə heç bir sülh müqaviləsi imzalanmayacaq" tərzindəki sərsəm açıqlaması Azərbaycan cəmiyyətind

2 sentyabr 2021
.

Azərbaycan yeni anti-terror əməliyyatı həyata keçirə bilərmi? - AÇIQLAMA

Xəbər verdiyimiz kimi, ötən gün Şuşa istiqamətində ermənilərin həyata keçirdiyi təxribat, onların itki verib, geri çəkilməsi ilə yekunlaşdı. Həmin hadisədən sonra Azərbaycan dövlətinin Şuşa və ətraf bölgələrdə yerləşən qanunsuz erməni silahlı birləşmələri üzərində anti-terror əməliyyatı aparması məsələs

4 sentyabr 2021