Qarabağa yük daşıyanlara XƏBƏRDARLIQ OLUNUB

Qarabağa qanunsuz şəkildə yük daşıyan İranın özəl yükdaşıma şirkətlərinə xəbərdarlıq olunub.

Sonxeber.az bildirir ki, bu barədə İranın Azərbaycandakı səfiri Seyid Abbas Musəvi jurnalistlərə açıqlamasında deyib.

S.A.Musəvinin sözlərinə görə, bununla əlaqədar Azərbaycan tərəfindən rəsmi şəkildə məlumatlar alındıqdan sonra addımlar atılıb.

Musəvi vurğulayıb ki, İran şirkətlərinə Azərbaycanın ərazi bütövlüyü və suverenliyinin qorunmalı olduğu tapşırılıb:

"Özəl sektorda çalışan nəqliyyət şirkətlərinə xəbərdarlıq etmişik, çünki Azərbaycanın suverenliyinə və ərazi bütövlüyünə hörmətlə yanaşmalıyıq. Tərəfimizdən lazım olan addımları atırıq".

Səfir əlavə edib ki, belə təxribatlar İran və Azerbaycan arasında olan dostlugu sarsıda bilməz:

"Bu məsələdə 3-cü tərəflər var ki, İran və Azərbaycan arasında yaxşı münasibətin olmasını istəmirlər. Mən son günlərdə Hikmət Hacıyevlə görüşdüm və İran-Azərbaycan arasında olan münasibətləri detallı şəkildə müzakirə etmişik".

Telegramda izləyin