İçkiyə meyilli olan aktyor: "İşıqları söndür, mən onu qəflətən qucaqlayacam"

İçkiyə meyilli olan aktyor: "İşıqları söndür, mən onu qəflətən qucaqlayacam"Bu gün aktyor, Xalq artisti Eldəniz Zeynalovun anım günüdür.

Sonxeber.az Kulis.az-a istinadən onun haqqında on maraqlı faktı təqdim edir.

Belə ki, Eldəniz Məmməd oğlu Zeynalov 1937-ci il yanvarın 1-də Bakının Yuxarı Dağlı küçəsində hərbçi ailəsində doğulub.

Onun adını ailənin qonşuluğunda yaşayan şair Səməd Vurğun qoyub: "Aybənizimiz, Gülbənizimiz var, qoy onun da adı Eldəniz olsun".

Eldəniz Zeynalovun dayısı Azərbaycanın tanınmış aktyoru Həsənağa Salayevdir. O, dayısının sənətini seçir. Tez-tez dayısı ilə onun çalışdığı Akademik teatra gedib, saatlarla məşqə tamaşa edib. Bəzi uşaq rollarında səhnəyə də çıxıb. Dayısı ilə birgə tamaşaçı qarşısına çıxıb baş əydikləri anları sonradan Eldəniz Zeynalov həyatının ən şirin xatirəsi kimi zarafatla xatırlayır: "Elə o vaxtdan başıma daş düşdü".

Uşaq olanda qardaşlarını tamaşaya aparır. Əhvalat belə olur. Ət tapılmayan zamanlar imiş. Birgə yemək yeyəndə öz qabındakı küftənin suyunu asta-asta içib, qardaşlarının yeməklərinin hamısını yemələrini gözləyib. Qardaşların qabı boşalandan sonra baxıblar ki, Eldənizin boşqabında küftələr diri qalır, yalvarıblar ki, bizə də ver küftələrdən. Eldəniz küftəni onlara pulla satmağa razılaşıb, aldığı pula isə səhəri gün uşaq tamaşasına qardaşları üçün bilet alıb gətirib. Eldəniz Zeynalovun qardaşı Tofiq Zeynalov uzun illər Dövlət televiziyasında rejissor işləyib, Eldəniz Zeynalovun da oynadığı "Qonşu qonşu olsa" tamaşasının rejissoru olub.

Eldəniz Zeynalov 1956-cı ildə o vaxtkı Teatr İnstitutuna qəbul olunur. İnstitutda müəllimlərindən biri də Adil İsgəndərov idi. O, Adil İsgəndərov ki, tələbələrinə kinoya çəkilməyə izn verməzdi. Deyirdi, tez ulduz olmaq onlara xeyir gətirməz, sənəti tam öyrənəndən sonra isə ulduz olsalar da ziyan gətirməz. Odur ki, teatrda 1950-ci ildən çalışsa da Eldəniz Zeynalov müəlliminin sözündən çıxıb institutda oxuduğu müddətdə dəvət aldığı filmlərə razılıq vermir. Nəhayət, elə çəkildiyi ilk film də institutu bitirən il müəlliminin ekranlaşdırdığı "Əhməd haradadır?" filmi olur. Filmdə Əhmədlərdən birini oynayan aktyor kinoda ilk xeyir-duasını da Adil İsgəndərovdan alır.

"Bir cənub şəhərində" filminə çəkilərkən Eldəniz rejissorun təkidi ilə qızı qucaqlamalıymış. Aktrisa buna razılıq verməyib. Rejissor israr edib ki, bu kadr hökmən alınmalıdır. Belə olan halda Eldəniz rejissora deyib ki, narahat olma, işıqları söndür, mən onu qəflətən qucaqlayacam. Belə də ediblər. İşıqlar sönən kimi qızı necə qucaqlayıbsa, qız başlayıb qışqırmağa. Rejissor göstəriş verib ki, çəkin. O filmdəki kadr yalançı kadr deyil, doğrudan da, qız çığır-bağır edir, Eldənizin üstünə qışqırır.

Ciddi xasiyyəti olan aktyor rejissorlardan söz götürmədiyi üçün bir neçə filmini yarımçıq qoymalı olub. Aktyorun həm də ata minmək qorxusu olub. Bu səbəbdən də "Yeddi oğul istərəm" filmindəki Mirpaşa obrazından imtina edib. Həmin filmdə epizodik rola çəkilib.

Aktyorun sonuncu ifa etdiyi rol isə Akademik Dram teatrında "Köhə ev" tamaşası olub. Bu tamaşada Səyavuş Aslanın dublyoru olan Eldəniz Zeynalov ondan qəribə bir xahiş edib: "Səyavuş, məşqlərə gəlmə, bəlkə də bu mənim oynayacağım sonuncu roldur". Səyavuş Aslan onun sözünü yerə salmır. Müxtəlif bəhanələrlə məşqlərə gəlmir. Tamaşanın sonunda o, Qüdrət obrazının ölümünü elə canlandırır ki, aktyorun zalda əyləşən oğlu atasının həqiqətən öldüyünü zənn edib ağlayır.

Ailəsində iki oğlan, üç qız böyüyən aktyorun əzizlərinin, dostlarının, ailəsinin mənəvi əziyyətləri isə Eldəniz Zeynalovun içkiyə meyilli olmasından qaynaqlanırdı. Onu sevənlər bilirdilər ki, bu qədər içki bir gün onu yıxacaq.

Bir gün Arif Quliyevlə danışıb rayonlara qastrola çıxırlar. Rayonda konsertdən əvvəl oturub yeyib-içirlər və pilləkənləri düşəndə Eldəniz Zeynalovun ayağı burxulub yıxılır. Bu hadisədən sonra altı ay xəstə yatır. Travmatologiya İnstitutunda əməliyyat olunaraq iki ay orada müalicə alır. Daha sonra həkimlər ayağının yenidən əməliyyat olunmasını məsləhət görürlər. Bu dəfə Respublika Elmi Arterioloji Mərkəzdə əməliyyat olunur. Bu dəfə də uğursuz keçir.

Əməliyyatdan sonra vəziyyəti günbəgün ağırlaşır. Ayağında çürümə gedir. Oğlu Elbrus Zeynalov müsahibələrinin birində deyirdi:

"Ayağı sınandan sonra atam xəstə yatırdı. Həkimlər onu düzgün əməliyyat etməyiblər. Yataq xəstəsi oldu, gəzə bilmirdi. Heç ayağa da qalxa bilmədi, üstəlik dinib-danışmır, bütün günü halsız qalırdı. Bir gün həkimlər atamın ayağını xüsusi drellə deşəndə o mənim adımı çəkib qışqırdı, dözə bilmədim, ürəyim getdi. Özümə gələndə onun halı nisbətən düzəlmişdi, amma mən ömür boyu o səhnəni unuda bilmərəm".

Həkimlər əməliyyatsız düzəlmədiyini görüb, aktyorun ayağını əməliyyat etməli olurlar. Əməliyyatdan sonra Eldəniz Zeynalov özünə gəlmir, yəni huşsuz qalır. İki ay evdə huşsuz halda yatır və 2003-cü il noyabrın 5-də 64 yaşında dünyasını dəyişir. Yastığının altından sonradan sənət dostu Telman Adıgözəlova yazdığı məktub çıxıb. Aktyor məktubda övladlarını, ailəsini Telman Adıgözəlova tapşırıb.


Sonxeber.az Telegramda izləyin instagramda izləyin
Mədəniyyət   Baxılıb: 2930   Tarix: 05 noyabr 2021  

Şikayətiniz varsa Whatsapp: 051 7028255

Facebookda Paylaş

Tezbazar.az elanlar sayti



Unvan.az - elanlar sayti

DİGƏR MARAQLI XƏBƏRLƏR

Əməkdar artistlə bağlı faktlar: İşdən qovuldu, teatra həsrətlə baxdı, qızının qucağında can verdi

Sabah aktyor, Əməkdar artist Telman Əliyevin doğum günüdür. bu münasibətlə onun haqqında maraqlı faktları təqdim edib. Belə ki, Telman Rüstəm oğlu Əliyev 2 noyabr 1947-ci ildə Gəncə şəhərində anadan olub. 1982-ci ildə Azərbaycan Dövlət İncəsənət İnstitutunun Mədəni-maarif fakültəsini bitirib Gəncə Dövlə

1 noyabr 2021

"Eşkiya Dünyaya Hükümdar olmaz" bitdi - FOTO

Türkiyənin məşhur "Eşkiya Dünyaya Hükümdar olmaz" serialının tamamilə yayımdan qaldırılması barədə məlumat təsdiqlənib. xəbər verir ki, bu barədə serialın baş rol ifaçısı Oktay Kaynarca sosial media hesabından pərəstişkarlarına təşəkkür edərək serialın bitdiyini açıqlayıb. "At belind

31 oktyabr 2021

Azərbaycan rəssamlarının əsərləri Luvr muzeyində nümayiş etdirilib

Parisin məşhur Luvr muzeyinin Karusel zalında keçirilən "Art Shopping-2021" beynəlxalq incəsənət sərgisində Azərbaycan rəssamlarının əsərləri nümayiş etdirilib. Diasporla İş üzrə Dövlət Komitəsindən -a bildirilib ki, Azərbaycanın Əməkdar rəssamı Əsmər Nərimanbəyovaya məxsus "ASMAR Art"

31 oktyabr 2021

Əri başqası ilə evləndi, intim təklifə görə rejissora şillə vurdu, meymundan qorxub xəstəliyə tutuldu...

Bu gün Xalq artisti Nəcibə Məlikovanın doğum günüdür. -a istinadən bu münasibətlə onun haqqında maraqlı faktları təqdim edir. Nəcibə Haşım qızı Məlikova 25 oktyabr 1921-ci ildə Bakının Buzovna kəndində doğulub. Evin sonbeşiyi olan Nəcibə Məlikovanın atası Haşım bəy Saqib həm şair idi, həm də Bakını

25 oktyabr 2021

İtaliyada azərbaycanlı rəssamın beynəlxalq sərgisi keçirilir - FOTO

Florensiyanin məşhur Fortezza Da Basso qalareyasinda 13 cü beynalxalq rəsm sərgisi start götürüb. xəbərverir ki, açılış mərasimdə tanınmış incəsənət nümayəndələri və Florensiyanin rəsmi şəxsləri iştirak edibler. Tədbirdə 40 dan artıq ölkənin 460 nümayəndəsinin 100 ə yaxin əsərləri nümayiş olunur. Sərg

24 oktyabr 2021

Şuşadan ilk zəng

Bu gün Azərbaycan mədəniyyətinin paytaxtı Şuşa şəhəri və Bakı arasında sabit telefon rabitəsinin istifadəyə verilməsi ilə bağlı ilk zəng testi uğurla həyata keçirildi. Bu barədə Rəqəmsal İnkişaf və Nəqliyyat Nazirliyinə istinadən bildirib. İşğaldan azad edilmiş digər şəhər, rayon və kəndlərdə yurd-yuvasın

16 oktyabr 2021

Prezidentin sərəncamında "KVN"çilərin də adları var

Prezident İlham Əliyevin bu gün imzaladığı mədəniyyət xadimlərinin təltif edilməsi haqqında sərəncamında məşhur "Bakılı oğlanlar" (Parni iz Baku) ŞHK (KVN) komandasının bir sıra üzvü də yer alıb. xəbər verir ki, eyni zamanda 10 yumor ustası "Tərəqqi" medalı ilə təltif olunub. Siyahıd

16 oktyabr 2021

Prezident Şəmistan Əlizamanlını təltif etdi - SƏRƏNCAM

Oktyabrın 16-da Prezident İlham Əliyev Azərbaycan Respublikasının mədəniyyət xadimlərinin təltif edilməsi haqqında sərəncam imzalayıb. xəbər verir ki, Azərbaycan mədəniyyətinin inkişafında xidmətlərinə görə təltif edilənlərin siyahısında Şəmistan Əlizamanlının adı da var. Qeyd edək ki, Prezidentin "Tərəqqi"

16 oktyabr 2021

Oğlundan Arif Babayevlə bağlı açıqlama

Mərkəzi Klinik Xəstəxanada müalicə olunan Arif Babayev bu gün evə buraxılıb. xəbər verir ki, bu barədə APA-ya Xalq artistinin oğlu Yaşar Babayev məlumat verib. O, atasının səhhətinin hazırda yaxşı olduğunu deyib. Qeyd edək ki, bir müddət öncə xanəndə səhhətində yaranan problemlərə görə, xəstəxanaya yerləşdirilmişd

15 oktyabr 2021