Mərhum aktyor Səməndər Rzayevin ad günüdür

Mərhum aktyor Səməndər Rzayevin ad günüdürBu gün mərhum aktyor Səməndər Rzayevin ad günüdür.

Səməndər Rzayev 1945-ci ildə Ağsuda dünyaya gəlib. İncəsənət İnstitutunda Rza Təhmasibin məktəbindən dərs alıb, Sumqayıt Teatrında çalışıb. Amma ömrünün, yaradıcılığının ən yaddaqalan illərini Akademik Dram Teatrında keçirib.

Səməndər Rzayevin yaradıcılıq yolu çoxşaxəlidir. Burada teatr da var, kino da, radio da, televiziya da.

Səməndərin səsindəki şirinlik də bu münasibətlərə başqa bir doğmalıq gətirirdi. Səməndər Rzayev kinoda dublyaj sənətinin korifeylərindən idi. O, kinostudiyanın dublyaj sexində, demək olar ki, günlərlə filmlərə səsini yazdırardı. Səməndərin səsi, danışığı bir orkestrin ifa etdiyi simfoniyaya bərabər idi. Nə qədər ahəngli, nə qədər ürəyə yatımlı danışardı.

Səməndər Rzayevə hətta epizodik rollar təklif olunanda belə, məmnuniyyətlə razılaşırdı. Deyirdi ki, "kiçik açarla da böyük qapılar açmaq olur". Elə ki, səhnədə bu böyük sənətkarın səsi eşidilirdi, bütün zal heyrətə gəlirdi. Bəzən onun kiçik rolları baş qəhrəmanları belə kölgədə qoyurdu.

"Həyatın dibində", "Hamlet", "Yağışdan sonra", "Sən yanmasan", "Cehizsiz qız", "Qəribə oğlan", "Dəli yığıncağı..." Bunlar Səməndərin teatrda oynadığı tamaşaların cüzi bir hissəsidir. Amma onların hər birinə Səməndərin yuxusuz gecələri, gərgin yaradıcılıq axtarışları, bəzən isə hədsiz əsəbləri sərf olunmuşdu.

Səməndər Rzayev yaradıcı sənətkar idi. O heç vaxt pyesə doğma kimi baxmazdı. Özü obraz üçün ştrixlər axtarırdı. Rejissorları da bu "ixtiralar"ın sərfəli olduğuna inandıra bilirdi.

Kinoya Səməndərin hansı rolla başladığını demək çətindir. Amma onun sənət dostu, xalq artisti Yaşar Nuri deyir ki, ilk filmi haqqında bir özü bilirdi, bir də mən... "Uşaqlığın son gecəsi" filminin lap əvvəlində küçədə gəzən iki milis işçisindən biri Səməndər idi. Amma sonralar o, kinoda da öz sözünü dedi. Doğrudur, onun aktyorluq potensialı kinomuzda yetərincə istifadə olunmasa da, bir sıra yaddaqalan obrazları – Səməndərli anları kino tariximizə köçürüb. "Çarvadarların izi ilə" filmində Səməndər elə Səməndəri oynayırdı. Bu filmin əsasında İlyas Əfəndiyevin "Körpüsalanlar" əsəri durur. Səməndər filmin çox da böyük olmayan surətlərindən biridir. Amma nəzərə çarpan, yadda qalan obrazdır. "Nəsimi"də isə rejissor Həsən Seyidbəyli ona Şirvanşah İbrahimin rolunu tapşırmışdı. Bu, aktyor üçün böyük məsuliyyət idi. Doğrudan da, Azərbaycanın tarixində danılmaz xidmətləri olan Şirvanşah İbrahimi ekranda yaratmaq aktyordan əsl mənada yüksək sənətkarlıq tələb edirdi. Film ekrana çıxanda çoxları təəccüb hissi keçirdi. Səməndər obrazı elə özününküləşdirmişdi ki, qarşında tarixi şəxsiyyət İbrahim şahın dayandığına səmimiliklə inanırsan.

Səməndər Rzayev çox vaxt filmlərdən imtina edirdi. Çünki çox məşğul idi. Teatrda işləyirdi. Televiziya filmlərində, tamaşalarında oynayırdı, "Bulaq" verilişinin isə daimi aparıcılarından idi. Şakir Şəkəroviç ("Evləri köndələn yar") hər dəfə televiziya ekranında görünəndə qəlbimizdə sevinc dolu bir dünya yaranır. Bazar günü axşamlar evə tələsirdik ki, "Bulaq" verilişində bu böyük sənətkarın bulaq kimi təmiz və şəffaf səsini dinləyək.

Və günlərin birində "Həyatın dibində" tamaşasına xəstə vəziyyətdə gəlmişdi. Xəstəxanada idi. Buna baxmayaraq, pərəstişkarlarını nigaran qoymaq istəməmişdi. Həmin axşam Səməndər teatrda ən ağır və ən çətin gününü yaşayırdı. Bu soyuq səhnədə xəstə aktyorun son oyunu idi.

S.Rzayev 27 mart 1986-cı ildə Bakı şəhərində vəfat edib. Yasamal qəbiristanlığında dəfn olunub.


Sonxeber.az Telegramda izləyin instagramda izləyin
Mədəniyyət   Baxılıb: 1240   Tarix: 02 yanvar 2022  

Şikayətiniz varsa Whatsapp: 051 7028255

Facebookda Paylaş

Tezbazar.az elanlar sayti

Unvan.az - elanlar sayti

DİGƏR MARAQLI XƏBƏRLƏR

Qalib xalqın həmrəylik günü

Dünya azərbaycanlılarının həmrəyliyi, onların təşkilatlanması prosesini daim diqqət mərkəzində saxlayan Ulu Öndər Heydər Əliyevin səyləri ilə dekabrın 31-i Dünya Azərbaycanlılarının Həmrəylik Günü elan edildi. Bu barədə 1991-ci ilin 16 dekabrında Naxçıvan Muxtar Respublikasının Ali Məclisi 6 bənddə

26 dekabr 2021

Kiyevdə Qarabağ incilərini əks etdirən sərgi keçirilir

Ukraynada Taras Şevçenko adına Milli Muzeydə Azərbaycan Rəssamlar İttifaqının üzvü, xalçaçı-rəssam Eldar Hacıyevin əl işlərindən ibarət sərgi təşkil olunub.. . "Report"un Şərqi Avropa bürosunun məlumatına görə, Azərbaycanın Ukraynadakı səfirliyinin təşkilatçılığı ilə baş tutan sərginin açılışınd

25 dekabr 2021

"Buna görə Hacıbaba Hüseynovdan halallıq istədim" - Alim Qasımov

Xalq artisti Alim Qasımov "Fatehin divanı" proqramında qonaq olub.. . Axşam.az xəbər verir ki, xanəndə mərhum Xalq artisti Hacıbaba Hüseynovla bağlı xatirəsini bölüşüb. O bildirib ki, bir vaxtlar xanəndənin gizli səsyazılarını yazıb:. . "Əsəbdən olan bir iş idi. Tələbə idim, kiçiklik edirdim

24 dekabr 2021

Kimlər Nailə Mirməmmədlinin xatirə gecəsinə gəlmədi?

Əməkdar incəsənət xadimi, mərhum bəstəkar Nailə Mirməmmədliyə həsr olunmuş "Qəlbin nəğməsi" adlı xatirə gecəsi keçirilib.. . Sonxeber.az Axşam.az-a istinadən xəbər verir ki, bəstəkarın 60 illik yubileyinə həsr olunan tədbirdə N.Mirməmmədlinin ailə üzvləri, yaxın dostları iştirak ediblər..

22 dekabr 2021

"Bu gün mənimçün anım məclisi keçirilə bilərdi..."Yadigar Muradov:

"Mənim üçün ən böyük hədiyyə koronavirusdan sağalıb, xəstəxanadan evimə dönməyimdir".. . Bunu Qaynarinfo-ya açıqlamasında Əməkdar artist, Şuşa Dövlət Musiqili Dram Teatrının direktoru Yadigar Muradov doğum günü ilə bağlı arzusundan danışarkən deyib. Aktyor koronavirusdan sağalmağını möcüz

18 dekabr 2021

Çakır "Kurdlar vadisi"nin davamında rol alacaq?

"Kurdlar vadisi" serialının davamı adlandırılan "Yalnız qurd"la (Yalquzaq) bağlı yeni iddia səsləndirilib.. . Sonxeber.az Olay.az-a istinadla xəbər verir ki, ATV-də ekrana gələcək serialın aktyor heyəti maraq doğurub. Belə ki, serialda baş rolları Hasan Dəniz Yaran, Kürşad Alnıaçı

12 dekabr 2021

Məşhur aktyor "Kalp yarası"ndan gedir - FOTO

Türkiyənin "Atv" kanalında yayımlanan "Kalp yarası" serialında növbəti ayrılıq yaşanacaq.. . Sonxeber.az Türkiyə mətbuatına istinadən xəbər verir ki, ekran işinə Mahir Günşiray vida edəcək. "Adnan" obrazına həyat verən aktyor 26-cı bölümdə ölərək serialdan uzaqlaşacaq.

12 dekabr 2021

Məşhur amerikalı müğənni ÖLDÜ

"The Monkees" rok qrupunun üzvü, amerikalı gitaraçı və vokalçı Maykl Nesmit vəfat edib.. . Sonxeber.az xarici mətbuata istinadən xəbər verir ki, sənətçi 78 yaşında öz evində dünyasını dəyişib.. . Qeyd edək ki, Mayk Nesmit 2018-ci ildə ürək əməliyyatı keçirib.

12 dekabr 2021

Azad edilmiş ərazilərdə tarix-mədəniyyət abidələrinin 95%-ə yaxını dağıdılıb - Nazir

Azad edilmiş ərazilərdən ötən ilin noyabrından sonra 400-dən çox tarixi mədəniyyət abidəsi aşkar edilib.. . Sonxeber.az-ın məlumatına görə, bunu mədəniyyət naziri Anar Kərimov deyib. O bildirib ki, aşkar edilən abidələrdən 140-150-yə yaxını reystrdə olmayıb.. . "Eyni zamanda azad edilən ərazilərd

12 dekabr 2021