Ukraynadakı ilk səfirimizin adı əbədiləşdirildi - VİDEO

Ukraynada Azərbaycan-Ukrayna diplomatik münasibətlərinin bərpasının 30 illiyi münasibətilə bu ölkədə ilk səfirimiz, tanınmış yazıçı Yusif Vəzir Çəmənzəminlinin adına böyük auditoriyanın və barelyefin açılışı olub.

Auditoriyada Azərbaycan atributları ilə yanaşı, Çəmənzəminliyə aid tarixi eksponatlar da yerləşdirilib.

Qeyd edək ki, Çəmənzəminli özü bu universitetin məzunu olub.

Azərbaycanın Ukraynadakı səfirliyinin təşkilatçılığı ilə baş tutan tədbirdə ədibin nəvəsi, Azərbaycan Xarici İşlər Nazirliyinin şöbə rəisi Yusif Vəzirov babasının yaşadığı günlərdən yadigar qalan kilim və armudu stəkanı da auditoriyaya hədiyyə edib. Universitet rektoru Volodimir Buqrov isə qeyd edib ki, Kiyev Milli Universiteti tarixində ilk dəfə belə bir barelyefin açılışı olur.

Açılış mərasimində Azərbaycanla Ukrayna arasında diplomatik əlaqələrin bərpasnından keçən 30 ildə həyata keçirilən ikitərəfli proqramlar sadalanıb. Sonda Yusif Vəzir Çəmənzəminlinin Ukraynada yaşadığı müddətdə qələmə aldığı "Stundenti" kitabının yeni nəşrdə təqdimatı da olub.

Telegramda izləyin