Kiyevdə 50 uşağın olduğu uşaq evinə atəş açılıb

Rusiya ordusu Kiyev vilayətinin Vorzel şəhərində 50 uşağın olduğu uşaq evinə atəş açıb.

Sonxeber.az Ukrayna mediasına istinadən xəbər verir ki, bu barədə Baş prokuror İrina Venediktova Facebook-da yazıb.

"Rusiya Federasiyasının hərbi qulluqçuları tərəfindən aparılan əməliyyatlar zamanı ehtimal olunur ki, "Qrad" reaktiv yaylış atəş sistemlərinin hissələri Kiyev vilayətinin Vorzel şəhərində 50 uşağın olduğu uşaq evinin otaqlarından birinə düşüb".

Xoşbəxtlikdən, atəş nəticəsində xəsarət alan olmayıb, çünki həmin vaxt uşaqlar və uşaq evinin əməkdaşları başqa binalarda olublar.

Qeyd olunur ki, uşaq evinin uşaqları hələlik evakuasiya olunmayıblar. Uşaq evinin ərazisində sığınacaq və zirzəmilərin olmadığı bildirilir.

ZAİRA AKİFQIZI

Telegramda izləyin