Ukraynadan unikal gediş: ruslar üçün "qaynar xətt" yaradıldı

Ukrayna Müdafiə Nazirliyi Ukraynada "itən" rus əsgərlərinə görə qaynar xətt yaradıb.

Sonxeber.az Axar.az-a istinadən xəbər verir ki, bu barədə məlumatı Ukrayna müdafiə naziri Aleksey Reznikov Feysbukda paylaşıb.

"Bu gün saat 19:00-dan! Ukrayna torpağında "itən" rus əsgərlərini axtaranlar üçün qaynar xətt istifadəyə verildi", - o qeyd edib.

O bildirib ki, bu qaynar xətt rus əsgərlərinin doğmaları üçündür:

"Əgər sizin yaxınlarınız son bir ayda təlimə yollanıbsa və hazırda ondan heç bir xəbər yoxdursa, demək, Ukraynaya hücumda iştirak edir".

Reznikov artıq bir neçə min rus əsgərinin öldüyünü, 200-nün əsir düşdüyünü də vurğulayıb:

"Bu qaynar xətt vasitəsilə onlar öz qohumlarının meyitini nə vaxt və necə götürə biləcəklərini öyrənə bilərlər".

Qeyd edək ki, bundan öncə Ukrayna 3500 rus əsgərinin meyitinin döyüş meydanında qaldığını bildirmiş və onları Rusiyaya göndərmək üçün Qırmızı Xaçdan yardım istəmişdi.

Telegramda izləyin