Kolon məhv edildi, rus ordusunun hücumu dayandı

Ukrayna Silahlı Qüvvələrinin Kiyevin müdafiəsində böyük qələbəyə imza atıb.

Sonxeber.az Axar.az-a istinadən xəbər verir ki, bu barədə Ukrayna DİN rəhbərinin müşaviri Anton Geraşenko Teleqram kanalında yazıb.

O bildirib ki, bu gün Rusiya ordusuna dizel yanacağı daşıyan kolon gəlib. Məqsəd yanacaqla təmin oldunduqdan sonra Rusiya ordusunun Çerniqov və Sumdan hücuma keçməsi imiş:

"Bu barədə yerli sakinlərin yaydığı məlumatdan sonra Ukrayna artilleriyası kolona zərbə endirib. Nəticədə 3000 ton dizel yanacağı kolonla birgə partladılıb".

Geraşenko bildirib ki, Rusiya ordusunun bu itkini qısa müddətdə bərpa etməsi mümkün deyil:

"Faktiki olaraq rus ordusunun Kiyevə şərqdən hücumunun qarşısı alınıb".

Geraşenkonun sözlərinə görə, düşmənin Qostomeldə güclü qruplaşması var:

"Qostomeldə də qruplaşma məhv edilsə, düşmən Kiyevdən uzaqlaşacaq".

Telegramda izləyin