Ukrayna ordusunun Baş Qərargahı son məlumatları AÇIQLADI - FOTO

"Ukrayna xalqının Rusiya işğalına qarşı qəhrəmancasına müqavimətinin yeddinci günü davam edir".

Bu barədə Ukrayna Silahlı Qüvvələrinin Baş Qərargahı "Facebook" hesabında məlumat yayıb:

"Podolsk bölgəsində paytaxtın şimal və şimal-qərb istiqamətindən girişinin qarşısını almaq üçün düşmən Qoreniçi, Qostomel, Demidov sərhədləri boyunca hücum əməliyyatlarını davam etdirməyə çalışır.

Jitomir vilayətində Rusiya Federasiyası silahlı qüvvələrinin Şərq Hərbi Dairəsinin 5-ci Birləşmiş Silahlı Qüvvələrinin üç taktiki batalyon qrupu var.

Şimal istiqamətində işğalçı qüvvələrin on yeddi batalyon canlı qüvvə və texnika itkisi var.

Kozelets, Bobrovitsa və Makiiv ərazilərində işğalçıların qarşısı alındı. Digər istiqamətdə, Svitilnya, Peremoha və Hostroluçça yaşayış məntəqələri ərazilərində düşmən qoşunları hücum potensialını itirdi.

İşğalçı itki verib və Boxoduxiv, Çuqiv, Şevçenkove yaşayış məntəqələri yaxınlığında dayandırılıb.

Donetsk istiqamətində isə uğur qazana bilməyən Rusiya qoşunları Mariupol şəhərini blokadaya almağa istiqamət götürüb.

Tavriya istiqamətində düşmən hücum əməliyyatlarını davam etdirir.

Qara Dəniz Əməliyyat Bölgəsində düşmən dəniz qüvvələrini yerləşdirir və dəniz desant əməliyyatı üçün hazırlıqlarını davam etdirir.

İrəliləyə bilməyən düşmən Ukrayna Silahlı Qüvvələri ilə yanaşı olan mülki əhalini qorxutmaq üçün məkrli şəkildə mühüm infrastruktur obyektlərinə raket və bomba zərbələri endirməkdə davam edir.

Qoşunlarımızın davamlı müdafiəsi sayəsində düşmənin ruh yüksəkliyi və qələbə əzmi sürətlə aşağı düşür.

İşğalçıların bütün istiqamətlərdə itkiləri var"./Oxu.az

Telegramda izləyin