Yalnız bu iki ölkə Rusiya-Ukrayna müharibəsini DAYANDIRA BİLƏR

"Rusiyanın gec olmadan Ukraynanı tərk etməsinə nail olmaq üçün Kiyevə ilk öncə raketlər və əks müdafiə lazımdır".

Sonxeber.az-ın məlumatına görə, bunu Milli.Az-a açıqlamasında Ukrayna Siyasi Elmlər Akademiyasının üzvü, professor Petro Mironenko deyib.

O bildirib ki, Rusiyanı dayandırmaq üçün sanksiyaları artırmaq lazımdır:

"Rusiyanı Ukraynadan çıxartmaq üçün bu sadalananlar azdır. Tank əleyhinə zirehlər və müasir mobil lokatorlar, şəxsi heyyət və mənəvi dəstək məsələsi də bu müharibənin taleyini Ukraynanın xeyirinə həll edə bilər.

Biz sülhsevər dövlətik və bu gün köməyə ehtiyacımız var. Terrorçu güc kimi meydana çıxan Rusiya müharibənin təqsirli tərəfidir. Rusiyanın Ukraynada törətdiklərini dünya ictimaiyyəti qınamalı, unutmamalıdır.

Bilək ki, bu gün Ukrayna Siyasi Elmlər Akademiyasının binası ordumuza kömək ola bilər, akademiyanın binasını da hərbiçilərimizin ixtiyarına verməyə hazırıq.

Ukrayna-Rusiya müharibəsini ancaq iki qüvvə dayandıra bilər - ABŞ və Çin. Onlar danışıqlar masasında yer alarsa, nəticə əldə etmək olar. Bu məsələdə Türkiyə də ABŞ-ın mövqeyindən çıxış edə bilər. Bunun üçün də Rusiyanı dayandərmaq məqsədilə sanksiyalar tətbiq etmək lazımdır".

Telegramda izləyin