Ölkədə pomidorun bahalaşmasının səbəbləri açıqlanıb

Ölkədə pomidorun bahalaşmasının səbəbləri açıqlanıbAzərbaycan pomidor bazarında tələb təklifi üstələyir, çünki bu məhsulun istehsalı üzrə hal-hazırda qıtlıq müşahidə olunur.

Sonxeber.az xəbər verir ki, bunu "report"a "Azərbaycan Meyvə-Tərəvəz İstehsalçıları və İxracatçıları Assosiasiyası" İctimai Birliyinin sədri Bəşir Quliyev bildirib.

Onun sözlərinə görə, pomidorun yetişməsi 7-8 həftəyə başa gəlir: "7-8 həftə bundan əvvəl qışın ən soyuq günləri idi. Ona görə pomidorun yetişmə prosesi zəif sürətlə gedirdi. Bu səbəbdən pomidor istehsalında aprel ayında məhsuldarlıq azdır. Lakin bir həftədən sonra vəziyyət dəyişəcək, pomidor yetişir, istehsal həcmi artır".

O əlavə edib ki, sahə pomidorları ölkənin həm cənub rayonlarında, həm də Xaçmaz zonasında iyul ayında bazara çıxmağa başlayır.

"Hazırda istehsalçılarda böyük həcmdə pomidor ehtiyatı yoxdur. Bu səbəbdən qiymətlər artır. Ümumiyyətlə, martın sonu aprel ayı ərzində pomidorun ən baha qiymətə satılan vaxtıdır. Hesab edirəm ki, bir həftəyə qiymətlər enəcək.

Tendensiyaya baxsaq 10 il bundan əvvəl qışda pomidorun 1 kq-ı 8 manat idi, həm qış fəslində camaat pomidor yemirdi.

Bu məhsul ancaq toylarda, ad günlərində istifadə olunurdu. İstixana şəraitində pomidorun yetişdirilməsi genişlənəndən sonra artıq Azərbaycan istehlakçısı üçün qışda pomidor qismən aşağı qiymətə 3,5 manata təklif edildi.

Qış ayında bu qiymətə pomidor almaq böyük irəliləyişdir. Bir neçə il bundan əvvəl 5-6 manat 8 ABŞ dolları demək idi, hazırda isə 3 manat 2 ABŞ dollarından azdır. Bu o deməkdir ki, 10 il ərzində pomidorun qiyməti təqribən 4 dəfə azalıb.

Bu gün istixana şəraitində pomidorun yetişdirilməsində aşağı likvidlik səviyyəsində olan qiymətlərdir. Yəni, pomidorun qış ayında satış qiyməti bir-iki manat ola bilməz. Pomidor qış aylarında iki manata satılsa, bu onun qazdan istifadəni, işçilərin maaşını, gübrənin, toxumun qiymətini ödəməyəcək", - B.Quliyev deyib.

O əlavə edib ki, ilk növbədə ölkə bazarında pomidora olan tələbat qarşılanır, qalan hissəsi isə ixrac edilir.

O, pomidorun Rusiyaya ixracındakı son vəziyyəti açıqlayıb:

"Rusiya-Ukrayna müharibəsi başlayanda şimal qonşumuzun sərhəd-keçid məntəqəsində məhsullarımız günlərlə qalırdı. Sərhəddə yük maşınlarının buraxılma sürəti çox aşağı idi.

Bu isə məhsullarımızın xarab olmasına səbəb olurdu. Martda istehsalçılarımız çox əziyyət çəkdilər, böyük ziyana uğradılar.

Hazırda pomidorun Rusiyaya ixracı davam edir. Son 3 həftə ərzində sərhəd-keçid məntəqələrində yük maşınlarının keçmə sürəti normallaşıb. Hazırda avtomobillər 5-6 günə təyinat məntəqəsinə çatır".

Onun sözlərinə görə, Rusiyaya ixrac edilən pomidorun qiyməti ötən ilin müvafiq dövrü ilə müqayisədə azalıb: "Bizim müşahidələrimizə görə, ucuzlaşma təqribən 15%-dir. Çünki Rusiyanın özündə də istehsal artıb, bu da bazardakı təklifə təsir edir. Bununla yanaşı, əhalinin alıcılıq qabiliyyəti azalıb".

İxrac olunan məhsullara görə ödənişə gəldikdə isə B.Quliyev deyib ki, Rusiyada müəyyən banklara sanksiyalar tətbiq edilir:

"Həmin banklar vasitəsilə ödəniş həyata keçirmək mümkün olmur, amma digər banklar vasitəsilə ödənişlərdə problem olmur".

O vurğulayıb ki, dünya bazarlarında gübrə 3 dəfə bahalaşıb:

"Rusiya gübrə ixracına qadağa qoyub. Bu isə dünya bazarlarında gübrənin bahalaşmasına səbəb olub. İstixana şəraitində istifadə edilən damlama gübrələri Azərbaycana artıq Rusiyadan yox, Avropadan, Çilidən, İsraildən gəlir.

Rusiyadan gələn gübrə daha çox açıq sahələr üçün istifadə edilən gübrələrdir. Rusiyadan idxal edilən gübrə taxılçılıqda, qarğıdalının, soyanın, yoncanın yetişdirilməsində istifadə edilir".

O deyib ki, bu il "SOCAR Karbamid" tərəfindən yerli bazara daha ucuz qiymətə karbamid təklif edib:

"SOCAR Karbamid" ötən il hansı qiymətə karbamidi yerli bazarda satmışdısa, bu il də həmin qiymətə satıb. Buna görə dünya bazarlarında gübrənin qiymətinin artması ölkə bazarına böyük təsir göstərməyəcək".

B.Quliyev əlavə edib ki, meyvə-tərəvəz istehsalı üçün toxum Rusiyadan böyük həcmdə alınmır:

"Toxumçuluğun inkişafının əsasını seleksiya elmi təşkil edir və bu elm Avropada, Yaponiyada, ABŞ-da, İsraildə inkişaf etdiyi üçün həmin ölkələrdən olan firmalar dünyada toxumların satışı üzrə liderdir. Hazırda dünya bazarlarında toxum bahalaşıb.

İstixana sektorunda istifadə olunan toxumların 99%-i xaricdən gəlir, taxılçılıqda artıq yerli toxum istehsalçıları mövcuddur.

Kənd Təsərrüfatı Nazirliyinin Elmi-Tərəvəzçilik Tədqiqat İnstitutu toxumları bazara çıxardırlar və bu istiqamətdə ilkin addımları atırlar. Toxumçuluğun inkişafı üçün 10 ilə yaxın müddət lazımdır. 3-4 ildir ki, Kənd Təsərrüfatı Nazirliyi bu işlərlə məşğuldur, ona görə daxili tələbatın böyük hissəsi xarici toxum hesabına qarşılanır".

Bu ilin yanvar-mart aylarında Azərbaycan 38 milyon 822 min ABŞ dolları dəyərində 31 min 763 ton pomidor ixrac edib.

Bu, 2021-ci ilin müvafiq dövrü ilə müqayisədə həcm ifadəsində 12 247 ton (62,7%), dəyər ifadəsində isə 17 milyon 563 min ABŞ dolları (82,6%) çoxdur.


Sonxeber.az
Telegramda izləyin
İqtisadiyyat   Baxılıb: 1820   Tarix: 20 aprel 2022  

Şikayətiniz varsa Whatsapp: 051 7028255

Facebookda Paylaş


Tezbazar.az elanlar sayti

Oxşar xəbərlər

.

Kərə yağının qiymətində kəskin artım - 27 AZN-ə qədər...

Son günlər ölkədə kərə yağının bahalaşması müşahidə olunur. Baku TV-ə istinadən xəbər verir ki, bütün kərə yağı markalarının qiymətində artım qeydə alınıb. Satıcı bildirib ki, hazırda satışda kərə yağı 19 manatdan başlayaraq 27 manata qədər satılır. Əvvəl isə bu qiymət 16 manatdan başlayırdı. İqtisadç

25 oktyabr
.

Yeni il qabağı bu sahələrdə bahalaşma olacaq

Yeni ilin gəlişinə demək olar yarım ay qalıb. Bayramla əlaqədar artıq müəyyən sahələrdə canlanma gözə çarpır. Bəs yeni ildə hansı sahələrdə qiymət artımı gözlənilir?. xəbər verir ki, mövzu ilə bağlı iqtisadçı ekspert Xalid Kərimli ilə həmsöhbət olub. Onun sözlərinə görə, yeni il öncəsi bahalaşma əsasə

14 dekabr
.

Azərbaycandan bu ölkəyə bir kiloqramı 17 manata qarpız satılır

Cari ilin yanvar-sentyabr aylarında Azərbaycandan xarici ölkələrdən 8 min 968 ton miqdarında qarpız satılıb. rəsmi məlumatlara istinadən xəbər verir ki, bu miqdarda məhsul ixracından əldə olunan gəlirin həcmi 4 milyon 237 min 670 ABŞ dolları təşkil edib. İxrac olunan qarpızın bir kiloqramının orta qiymət

2 dekabr
.

Bu şəxslərin ödədiyi ƏDV tam geri qaytarılacaq

"Vergi Məcəlləsi"nə edilən dəyişikliyə əsasən, Azərbaycanda tibbi xidmətlərdən istifadə edən tursitlər ödədikləri əlavə dəyər vergisini (ƏDV) tam olaraq geri ala biləcəklər". "Qafqazinfo" xəbər verir ki, bunu Milli Məclisin deputatı Vüqar Bayramov sosial şəbəkə hesabında bildirib

19 dekabr
.

Rusiyada bu meyvə kəskin ucuzlaşacaq - Azərbaycanda necə?

Yeni ilə yaxın Rusiyada naringi qiymətləri kəskin ucuzlaşa bilər. " "ya istinadən xəbər verir ki, bu, Türkiyə, Misir və Mərakeşdən olan tədarük həcmlərinin artması və mağazaların məhsulun daha tez satılması üçün endirimlər elan etməsi ilə əlaqədardır. Hazırkı qiymət artımı dolların məzənnəsini

18 noyabr
.

Yumurta yenidən bahalaşdı

Bölgələrdə kənd yumurtasının qiymətində kəskin artım müşahidə edilir. Qaynarinfo-ya istinadən xəbər verir ki, kənd yumurtasının bir ədədinin qiyməti 26-27 qəpiyə təklif edilir. Oktyabr ayının ikinci ongünlüyündə isə kənd yumurtasının bir ədədi 14-15 qəpiyə satılırdı. Sakinlər noyabrın əvvəlində qiyməti

29 oktyabr
.

Azərbaycanda ən yüksək maaşlı sahələr (SİYAHI)

2024-cü il oktyabrın 1-i vəziyyətinə ilkin məlumatlara əsasən iqtisadi fəal əhalinin sayı 5304,9 min nəfər olub, onlardan 5021,7 min nəfərini məşğul əhali təşkil edib. Bu barədə Dövlət Statistika Komitəsinə istinadən xəbər verir. Cari il sentyabrın 1-i vəziyyətinə muzdla çalışan işçilərin sayı 1754,

15 oktyabr
.

Bəzi fermerlərə 8000 manat subsidiya veriləcək

Yeni salınacaq intensiv armud bağlarına görə fermerlərə hər hektara 800 manat dövlət dəstəyi veriləcək. xəbər verir ki, bu barədə Kənd Təsərrüfatı Nazirliyi (KTN) məlumat yayıb. Aqrar Subsidiya Şurasının qərarına əsasən, sentyabrın 1-dən 2025-ci il mayın 31-dək salınan armud bağlarının hər hektarın

16 noyabr
.

Azərbaycandan Avropaya nə qədər qaz ixrac olunub? - RƏQƏMLƏR

Bu ilin yanvar-sentyabr aylarında Azərbaycandan Avropaya 9,4 milyard kubmetr qaz ixrac olunub. Qaynarinfo xəbər verir ki, bunu energetika naziri Pərviz Şahbazov "X" sosial şəbəkəsindəki hesabında bildirib. Məlumata görə, bu aylar ərzində Türkiyəyə 7,3 milyard kubmetr, Gürcüstana isə 1,7 milyar

14 oktyabr